بليزززززززز لاتطنشوني وانتظر رددوكم بفارغ الصبر

[دانيا الودعاني]

السلام عليكم ورحمة الله وبركاته
احلى تحيه لاعضاء هذا المنتدى واتمنى من العلي القدير اني اكون عضوه خفيفة الظل لديكم وانكم تساعدوني في مشكلتي
لا اطيل عليكم وادخل في موضوعي مباشره
انا بصراحه ابلغ من العمر30 سنه وتقدموا لي اشخاص كثييير لكن مالله يكتب لي نصيب فيهم وعندي صديقه من زمااااااااان ودايما تنصحني اتزوج مع العلم انها اكبر مني والى الان ماتزوجت والسبب شروطها المعقده،،،،،،بصراحه انا قبل كنت مثلها اتشرط لكن تغيرت فكرتي 180درجه!!
ودايما تذكرلي اشخاص مقدمين ع زواج وتاخذ رايي فيهم وتقنعني اوافق وانا ارفض يايكون اصغر مني او ان من ناحيه الاسريه ماناسبهم اومونفس الشخص اللي اطمح له..
**مع الايام اتصلت علي وامدحت لي شخص بصراحه مواصفاته لا يعلى عليها من الاسر العريقه والمعروفه جامعي وخلوق ومحافظ على الصلاه وعنده خير بإختصار حلم كل فتاه...
هنا بديت اشغل عقلي وبديت اخذ الموضوع بجديه وعندي صديقه" اعتبرها توأمي و اختي اللي ما جابتها امي" واتصلت عليها وعلمتها بالموضوع وشجعتني اكثر عليه بعدها صرت كل يوم استخير وبصراحه حسيت براحه وغير كذا حسيت ان هذا نصيبي..
اتصلت على صديقتي الاولى اللي جابت لي هذا الشخص وقلت لها خلاص انا موافقه وكلمت الشاب وقالت له اني موافقه وطلب يشوفني وارسلت لها صورتي وشافها واعجبته بعد كذا انا طلبت اكلم هذا الشخص كان عندي له كم سؤال اسأله بعدها بقفل!!!!
::::ملاحظه::::
انا طلبت يتم الموضوع بالسر اذا وافقت يصير الكلام رسمي ويتقدم لابوي
** صارت صديقتي تتصل علي شبه يومي وتمدح لي الشخص اكثرلدرجه ولا اخفي عليكم حبيته جد جد حبيته ونفس الشي تتصل عليه وتمدحني عنده..
بعد فتره قصيره ارسل لي الشاب مسج يطلب مني رقم الوالد عشان يتقدم رسمي طبعا ثاني يوم ارسلت له رقم الوالد<<<<<<<ما ارسلته في نفس اللحظه عشان مايقول عني مشفوحه على العرس
اتصلت على صديقتي وقلت لها فلان ارسل لي مسج يطلب رقم الوالد..

الى هنا انتوا مستوعبين اللي انا كتبته&&&

قفلت منها واتصلت علي اخر الليل وطلبتني اسمعها لاخررر لحظه قلت لها تفضلي،،قالت لي بصراحه انا متضايقه وضميري مأنبني انا كذبت عليك ومتندمه اني كذبت قلت لها ليش يافلانه!!!
قالت بصراحه الشاب اللي كلمتك عنه ترا شاب عادي ولعاب وينتمي لاسره عاديه وعلى قده وعايلة الولد ماتناسبكم والادهى والامر قالت لي تراهو راعي شراب!!!!
***ايش تتوقعون كانت ردة فعلي بعد هالكلام مع العلم ان الموضوع له5شهور وتوها تتكلم؟؟؟؟
قفلت منهاوتحطمت وانهدمت كل امالي واحلامي اللي بنيتها...
ثاني يوم صحيت من النوم الا الشاب راسل لي مسج يعتذر مني انه مايقدر يكلم الوالد والسبب ظروفه كنت في قمة القهروذبحني الفضول واتصلت على الشاب وكلمته بأدب وبحدود ابغى اعرف ايش الظروف؟؟؟
ايش تتوقعون قال لي هذا الشاب؟؟؟؟؟؟؟؟؟؟
تصدقون نفس الكلام اللي قالت لي صديقتي عنه وذمته قال له لي وياليت ذمتني واكتفت؟؟؟؟؟؟
ااااااااااااااااااااااااااااااااااااااه يالقهر ماقول غير حسبي الله عليها الا قذفت فيني وحطت العار فيني وفي اهلي مع العلم ان تربطنا علاقه بين اهلي واهلها اكثر من 45سنه والله العظيم ولا في احسن من علاقتنا معهم والبنت نفسها قسما بالله ماضريتها ولابيني وبينها شي عشان تسوي فيني كذا....
يوم قال لي الولد كذا قلت له اجل اسمع حتى انت بعد قالت عنك نفس الكلام وازيدك من الشعر بيت قالت انك راعي شراب...
قال لي وهو يسبها هي وش تبي مني بالضبط؟؟؟؟
رجعت اتصلت على البنت وقلت لها ليش مدحتي الولد بعدين رجعتي ذميتيه قالت لي رجاااء خاص لا عاد تجيبين لي طاريه وماله داعي نخسر بعض والسبب هو وقالت لي إذا تبغين أسألي عنه بطريقتك ولا تدخليني في الموضوع؟؟؟ قلت لها وشلون أسأل بطريقتي وانتي اللي جبتيه لي قالت لي بكيفك وتقدرين تتصرفين!!!!

ما ابغى اطول عليكم والله من القهر لو استمريت في الكتابه ماراح اخلص عن جد مقهووووووووووووره

اللي ابغى تعرفونه بصراحه حبيت الشاب وتعلقت فيه بشكل ماتتخيلون واتصل علي مررره وقال لي انا يابنت الناس شاريك بس اخاف لو اتقدم تسوي لنا هذي مشكله ممكن تقول لاهلك اني اعرفك او لي علاقه بك وكذا يكبر الموضوع وتحطك في موقف و انا بالمثل..
انا بصراحه متمسكه بالشاب ولا ودي افرط فيه وبودي ان الموضوع يهدئ شويه بعدين ارجع افاتحه فيه

دعواتكم لي ان الله يكتب لي اللي فيه الخير والصالح وان الله يجمعني مع هالشخص وصدقوني كل اللي بيساعدوني في الحل والله العظيم ماراح انساهم في الدعاااااء
ولاتنسوووووووون اني مظلومه ودعوة المظلوم مابينها وبين الله حجاب

[eamo]

اختارى أحد ممن تثقين فيهم من أهلك

واحكى له ما حدث بالكامل واجعليه يسأل عنه ويتأكد من صلاح أخلاقه

وإذا كان صالحا فليتقدم لخطبتك دون تردد وتوكلى على الله

وإذا لم يكن فيجدر بك نسيانه ولا تنسى قطع علاقتك بصديقة السوء كفاكى الله شرها

ووفقك الله لما فيه الصالح

[mahmood_s99s]

موضوعك غريب عجيب المهم انا انصحك انك تقطعين المكالمات مع هذا الشاب عشان لا يقول عنك ان راعية مكالمات واذا كان الشاب جاد في كلامه قولي له ادخل البيت من الباب واذا جاء يخطب والدك واهلك واخوانك بيكملون بقية المشوار هم الي بيسؤلون عنه ويجيبون كل اخباره المهم في الاول والخير ارسلي له مسج وقولي له انك بنت ناس ولا ينقصك شئ واذا حاب تكونون على سنة الله ورسوله يجي يتقدم ولا يخاف من شئ لا يجلس يقولك انا خايف من فلانه تقول علينا ان كنا على علاقة مع بعض ولا يجلي يسحبك في الكلام يوم ورى يوم حتى تصقطي من قم الشرف واتوقع ان اغلا ما في المرأه شرفها لا يودونك في داهية ترجعين تندمين على كل الي سار وتعودي ان كل شئ في حياتك يسير قدام الله وخلقة لا تسوين شئ خلف الستار ثقي تماماً ان هذا الشاب لو يحبك بيجي يخطبك .
ملاحظة : انا ما اتوقع انه بيجي طالما سار بينك وبينه شئ خلف الستار وخايف انه يلعب عليك انتبهي لنفسك

[فاتن العزازى]

يا عزيزتى ان الاخلاق الكريمة تلاقيها من غير حيرة فى امرك وان احترتى فاعلمى انة ليس بالامر الصواب

[الرايـــق]

اولا اختي العزيزه انا من الناس الذين يحاولون جاهدان اعمل علي حل مشاكل هذا المنتدي عند طرح المواضيع صراحه موضوعك له حل واحد فقط ماله ثاني ولا تزعلي من كلامي انا مجرد شخص اعطيكي حل لا اريد منكي ريال ولا اريد منكي شياء لذالك راح تحسي ردي قاسي عليكي لاكن هذا هو الرد الي المفروض يكون انتي وقعتي في غلطين الغلط الاول ليش اتصالتي عليه الغلط الثاني انك تركتي نفسك تحبيه والحب وهم واعتقد انك ماوصلتي لدرجة الحب يمكن وصلتي لمرتبه من مراتب الحب وهي المعزه وتمليت الفراغ العاطفي والشعور بالحنان الزوجي لذا انصحكي بتركه وعدم الرجوع لمكالمته وبعدين اذا كان يبغاكي حياخذ رقم ابوكي من عند قريبتك ويدخل البيت من بابه مو من جواله



تحيات اخوووووووووووووووووووووكي الرايق


امير الحب