انا مقهوره ساعدوني

تحدوهاااا البشر · #1 01-09-2007, 24- 14:58

السلام عليكم00 انا جديدة على المنتدى وعندي مشكلة مو مشكلة بالمعنى بس مرة مضايقني الموضوع وياليت تساعدوني 000
انا متزوجة من 8سنين ولله الحمد اول حياتي كنت اسافر واروح وفجأة من ثلاث سنين ماعاد اسافر لانو زوجي يقول ظروفي الماديه ماتسمح قلت معليش اصبر مع زوجي وماابغى اضغط عليه لدرجة اني مارحت حتى اخذ عمرة مع انها ماتكلف شي وكل ما قلت له خلني اخذ عمرة يتعذر بظروفه وبالعيال انهم صغار وعلى هالحال 3سنين وهذي السنة الرابعه 000 في ها العطلة طلبت منه على الاقل نروح ناخذ عمرة ورفض ويفاجأني انو اهله بيسافرون لأبها ويقول خلينا نسافر معهم حرام نضيع ها العطلة ما سافرنا وابوي طالبني نسافر معهم (اللي اهو ابوه) ويقنعني وانا رفضت ليش لمن اقوله خلينا نسافر يرفض ولمن يجون اهله يوافق من دون تفكير قلت طيب مادام مفكر في السفرة خلينا نسافر الحالنا قال ما اقدر ابوي يبيني اسافر معهم قلت خلاص براحتك كنت اتوع منه بعد مازعلت انو يروح يعتذر من ابوه باسلوب مؤدب بس للاسف هذا ماصار (كأني ماصبرت معاه لمدة ثلاث سنين ) راح الصبر في مهب الريح والله وسافر وخلاني انا وبناته وسافر مع اهله وقال لي انهم ماراح يقعدون الا عشر ايام .... ؟ واكتشفت لمن خلصوا العشره انهم بيقعدون اسبوعين واهو داري عن هذا وطلبت منه انه يرجع ولا عبرني (مبسوط وانا قاعده مقهوره في الرياض اربع ايام مانمت من القهر بس قاعده ابكي ) ووعدني لمن يرجع يسفرني ووعدني بمفاجأة ولا صار شي من اللي قال واهو حاول يراضيني بالكلام ويوديني لمطعم ويشتري لي هدية بس ما احس ان القهر راح لأنه مواعدني ولا سوى شي ولا راح يسوي بالله شلون اتعامل معه وشلون اوخر ها القهر الموجود جواتي سااااااااعدوني الله يخليكم
((علما بانه واهو قبل ما يسافر انا قلت له حاول انك ترجع بدري مو لازم تقعد الفترة كلها معهم يعني ارضي ابوك وارضينا ويرد علي ما اقدر ابوي يزعل علي بالله انا غلطت في شي مومن حق عياله انهم يقضون العطلة مع ابوهم ولا الحق لاهلهم وبس واهو مسافر انا طلبت انه يرجع عشان بناته مره ازعجوني اشتاقوا لهويكلمونه يبكون ولا اثر فيه)
معليش عل ى الإطالة بس انا مقهورة وشلون ابعد هالقهر ابيكم تساعدوني بليز

خاطــــــوف · #2 01-09-2007, 24- 19:13

اختي العزيزة
تحدوها البشر
اولا قولي اعوذ بالله من الشيطان الرجيم
ثانياً لاتأخذي الموضوع بكل تلك الحساسيه واصبري ياأختي لاتتعجلي الامور والله لو كانت ضروفه
تساعده ماراح يقصر معك واعلمي انه وهذه حقيقه (( لايمكن للرجل ان يخبر زوجته بضروفه الماديه مهما كانت صراحته لانه يراها نقص في حقه )) ولاتكوني انتي والزمن عليه كوني معه تحملي هفواته
مادامت لاتمسك بضرر كوني انتي الزوجه والام والحبيبه والغاليه وكوني الحضن الدافيء له لاتخافين
سوف ترين كل ذلك في المستقبل القريب لاتستعجلي فالعشره لها حق لن تندمي اصبري اختي العزيزه
ثقي كل الثقه سوف ترين منه شيء لم تتوقعينه فكلما صبرتي سيثيبك الله وسوف ترين من زوجك الحب والحنان لاتتعجلي اختي الله المستعان وفقك الله وادام عليكي السرور والسعادة ولا حرمك الله من ثوابه
تحياتي وتقديري لكي

تحدوهاااا البشر · #3 01-09-2007, 24- 21:33

مشكورةاختي خاطوف على النصيحة وان شاء الله ربي يقدرني ويرزقني الصبر

خاطــــــوف · #4 02-09-2007, 24- 01:45

اختي العزيزة
اتمنى لكي التوفيق
وانا رجل مو بنت
وخاطوف الاسم واضح
على العموم شكراً

mersaluae · #5 02-09-2007, 24- 10:01

اختي الله يهديج

عشان سفرة تعقدين الامور وتسوين مشكلة

يمكن زوجح امسافر على حساب ابوه عشان جذي وافق على السفرة

وانت اللي يبتي الكدر والضيقة لنفسج

مو لازم كل اللي نتمناه يصير

ارضي بالمقسوم وتقبلي الواقع

مافيها شي لو سافرتي معاهم جان غيرتي جو

مو تحنين على الريال وتخربين وناسته

خلج عادي جنه ماصار شي ولما تكونون على رواقه ذكريه بوعده لج

والله يوفقج