سلام عليكم
من فضلكم اقروا كلامى للاخر لو عايزين تساعدونى بجد
يا بنات انا وقعت فى مشكلة مش عارفة الخلاص منها ازاى
انا بستعمل دايما لبشرتى مواد طبيعية ومش ممكن احط اى مواد كيميائية على بشرتى
وانا بستعمل زيت الزتون للوجه والشعر وكمان زيت الخروع للرموش
وعلشان الزيوت دى مدهننة فأن لما بنام هى بتتعلق بالمخدة وتتوزع عل وشى كله وانا نايمة
وبما فيهم حواجبى
وانتو اعارفين ان الزيوت دى بتساعد بشدة على نمو الشعر
وبما ان مكان تواجدها مش بعيد على حواجبى فهى طالت حواجبى وعملتلى مشكلة
لاقيت حواجبى من وقت للتانى بتتغير زى ما تكون بتكثف
لحد ما بقى التكثيف واضح فيها
بعد ما كانت حواجبى الحمد لله بفضل الله جميلة ومقبولة
دلوقتى مبقتش طايقة ابصلها
فكرت انى ازيلها بملقاط لكن حديث النامصة خوفنى ........قولت لنفسى اشيل الزيادة بس لكن قولت ازاى هعرف الشعر الزائد من الاصلى .........هو انا يعنى كنت عديتهم وعرفتهم هما كام شعرة؟؟
لأ وخوفت من الطريق دا احسن ادخل فى حرمة وانا مش حاسة
وقولت مفيش حل غير التشقير
بس الله يكرمكم عايزة وصفة للتشقير قوية
لأنى جبت وصفة من واحدة صاحبتى (نشا+ مية اكسجين) لاقتها مش بتشقر اوى
يعنى الشعر لو اسود (ودا لون شعرى)هى بتخليه بنى وبتديله لمعة ذهبى انما الشعر ظاهر برده
انا عايزة وصفة تشقير تخلى الشعرة تختفى تماما علشان احل مشكلة حواجبى دى الله يرض عنكم
انا تعبانة نفسيا لأنى وقعت نفسى فى مشكلة خلاص مالهاش حل
حواجبى بعد ما بقت كثيفة ازاى ارجعها تانى زى الاول ؟
الحمد لله على كل حال
ممكن تساعدونى احسن والله ربنا يعلم اللى بيا دلوقتى ربنا يكرمكم ويرضا عنكم
ارجوكم اقوى الوصفات .........عايزة التشقير يبقى قوى ارجوكم بالله عليكم
وعايزة اعرف مدة التشقير أد ايه بالظبط يعنى اعمله كل اد ايه ؟؟؟؟؟؟؟؟؟
طيب لو فى حل تانى غير التشقير ممكن تقلولى عليه وانا اشوف ايه اللى يناسبنى واعمله
يعنى لو تعرفوا اعشاب او مواد بتساعد على تساقط الشعر علشان احطها لحواجبى فى الاماكن الزايدة دى وتسقط الشعر وترجع حواجبى تانى زى ما كانت يا ريت لو تعرفوا متبخلوش عليا انا فى ديقة ما يعلم بيها الا ربنا
يا بنات ساعدونى انا فى مشكلة بجد محتاجة وصفة تشقير جامدة جدا ......والسبب هتعرفوه هنا
