اريد حلا ضروري جدا

[leza]

يا جماعه انا حبيت اعرض عليكم مشكله واحده صحبتي و عايزه اعرف ايه رايكم و ازاي تتصرف في المشكله ديه
صحبتي ديه اتعرفت علي شاب من شات احد المواقع و شويه بشويه الشاب ده ابتدا يظهر حبه ليها هي من ناحيتها كان فيه حبه اعجاب و ابتدا الولد ده يحكلها كل تفاصيل حياته و كل حاجه عن ماضيه
و بعد كده قالها انا مستعد اجي اطلبك من اهلك بس المهم اني تكوني موافقه فوافقت
و قالها انا مستعد تقولي لاهلك و تحددي اليوم و انا مستعد اجي انا و اهلي اطلبك
لحد دلوقتي مفيش مشكله
المشكله ان صاحبتي ديه عرفته من شات و كانت مغيره بعض المعلومات عنها زي اسمها وسكنها و دراستها
مع العلم انها لم تغير معلومتها الشخصيه ديه بحاجات تظهرها بصوره احسن او تظهرها بوضع اجتماعي احسن او تظهر نفسها في مستوي تعليمي اعلي من مستواها التعليمي
و دلوقتي الموضوع اصبح واخد طريق الجد
و هي لازم هتقوله انها كدبت عليه الكدبه ديه فهي خايفه انه ميسمحهاش او لم يثق فيها تاني او تنزل من نظره علي اساس انها كانت كدبت عليه و مش عارفه تعمل ايه او تقوله ازاي هي مش عايزاه يضيع من ايديها لانها بردو ابتدت تتعلق بيه اوي و تحبه
من فضلكم ساعدوني البنت مخنوقه من احساسها انها كدابه و انها كدبت عليه

[حبيب عنيه]

انا هاقولك الحل من وجهت نظرى وعن تجربى شخصيه حصلت معايا
انا كمان اتعرفت على شاب على الشات واول ماتكلمنا سوا كان فيه حاجات كدبت عليه فيها لكن لما قبلت بعد كده وحبيته واتاكدت من حبه ليا عرفت على الحقيقه وعلى كل حاجه عنى بكل صدق وصراحه هو اه زعل فى البدايه جدا لكنه لانه بيحبنى غفرلى داه ونسى كل حاجه وجه واتقدملى والحمد لله احنا مخطوبين دلوقتى وهانتجوز قريب0
وبجد كل يوم بيثبتلى حبه ليه وعايشين اجمل قصة حب والحمد لله0
وانا انصحها انها تقوله دلوقتى وهو لو بجد بيحبها هايسمحها ويغفرلها وهاينسى
وربنا يوفقها ويوفقنا جميعا
بس عايزه اقول حاجه النت مش وسيله للحب ولكنه وسيله للتعارف فقط ولكن الحب يجى بالعشره والتقرب من بعض واننا نعرف عيوب بعض قبل المميزات00
وشكرا000

[leza]

بجد مرسيه ليكي اوي انا فعلا قولتلها علي كلامك و نصيحتك و ان شاء الله ربنا يوفقهم

[قصيمي1]

عمل صاحبتك هو الصح - وهو المفروض ما تعطيه المعلومات الصحيحة
حتى تتأكد من صدقه وحبه وطلبه الجدي - إذا رجال ما رايح يزعل لانها عملت الصح

[حبيب عنيه]

فعلا قصيمى هو داه الى لازم تعمله لان لو حبها بجد هايسمحها زى ماحصل معايا