الحلقه السادسه (الأخيره) من قصة (عريس من النت)

[العفريتة]

العنتبلي: هو احنا إن شاء الله مش هنخلص النهاردة ولا ايه ؟؟

حاتم: أنا آسف يا عمي
بس أكيد حضرتك موافق طبعا ......!!!

الأم: يوافق على إيه يا جدع انت هو سلق بيض ولا ايه

الأب: انت عاوزنى أوافق على ايه هو انت قلت حاجة عشان اوافق عليها ؟؟؟

حاتم: طبعا ياعمى على عرضى للزواج من كريمتكم عفاف

الأب: انت فاكر اننا هنقبلك كدة بطولك من غير ما والدك ووالدتك يوافقوا و نتفاهم على كل التفاصيل

حاتم: وفيها ايه ياعمى بس..................
هو مش أنا اللي هتجوز بقى ولا هما؟؟؟

العنتبلي وقد فاض به الكيل: اسمع ياد انت
بقى أنا صابر عليك من الصبح وإنت عمال تحكيلى قصة حياتك ولا كأنك صلاح الدين
وبعدين عمال تقولي كنت بجرى ورا البت عالنت
من موضوع لموضوع لغاية ما قطعت نفسى وجيت اتقدمتلها

نيجي بقى للمفيد
إذا كنت فاكر إنك هتضحك علينا بالخمسة كيلو موز دول اللي انت جايبهم
فأنت غلطان دة أنا ممكن أزحلقك بيهم ودلوقتى كمان

لو عاوز تخطب عفاف فعلا هاتلي أبوك وأمك عشان نتفاهم
غير كدة بقى خليك مقضيها مواضيع عالنت احسلك
أما عفاف فاهيا قاعدة معانا اهي بتاكل وبتشرب
ولو ما نفعتشي فى الجواز بسيطه خالص ممكن ندبحها عالعيد
مافيش أى مشاكل .........!!!!!!

عفاف: يا بابا بس ........

قاطعها العنتبلى :اخرسى يا بت انتى وقومي خشي جوة

حاتم: ماهو ياعمي أنا كنت ناوى

وقاطعه العنتبلى : ناوي ايه بقى؟؟؟؟
بقالك نص ساعة ناوى ؟؟؟؟

على ما تعمل حاجة هيكون اليوم خلص
أنا خلصت كل اللي عندى روح شاور اهلك
والمرة الجاية لو فيه يعنى هاتهم معاك !
حاتم: طب يا عمى ممكن .............
قاطعه العنتبلى مرة أخرى :بقولك ايه؟؟؟؟
في جاموسة هنروح ندبحها كمان شوية لو أخرتنى ممكن أ.... !!!!
حاتم وهومذعورا: لالالالا يا عمى وعلى إيه .... سلامو عليكم

العنتبلي: وعليكم السلام يا ........
ياسي طالب افندى
قـــــال عريس من النت قـــــال
شوية شوية تجيبيلى عريس من الإنترنت


تمـــــــت
__________________
معلش يا جماعة انا من زمان مدخلتش المنتدى علشان كدة اتاخرت عليكم شويه فى الحلقة السادسه
ملحوظة:سمير انت وعدتنى ان فى ليك منى هديه لو جبت الحلقة السادسه وكملت القصه.....
تحيااااااتى:العفريتة

[العفريتة]

ايش وين سمير هو كان منتظر بقيه القصة وكمان وعدنى بهديه