حركااات الشباب عند المذاكره !

[العفريتة]

حركآت آلشبآب عند آلمذآكره

1-الثلاث وجبات الرئيسيه لازم يقعد عليها أول واحد ومايقوم الا آخر واحد (جوعان
المسكين ماينلام) ..
واحيانا يزيد وجبات اضافيه اذا كانت المادة دسمه..

2- يقعد يسوي نفسه طفشان وتعبان ويااااااربي ماني قادر اذاكر مدري وشفيني حاس
بكتمه يمه ..الظاهر احد صاكني ب عين .. تقعد امه المسكينه تسمي عليه ..وتعال
ياوليدي اقرى عليك..
كل هذا عشان اذا سقطت يقولون عين حايشته ( انا ما اقولكم ان كل الي يسون كذا
يكذبون لان العين حق بس الغالبيه يفقشون )..

3- بعضهم ينزل عليه وسواس نظافه ايام الامتحانات يتروش الصبح والليل وقبل كل صلاه
وكل ماقالت له امه ياوليدي بكره اختبارك ذاكر خلاص تقشر جلدك من الترويش قالها يمه
ان الله جميل يحب الجمال
(وطبعا هالمثل ما يجي على باله الا وقت الاختبارات) ولا يطيح تلميع وتغسيل
بالسياره وتستيب بالكفرات لين ماتتقشر بويتها
طبعا هذي من واجباته اليوميه مايقدر يتركها عشان يذاكر مايصير..

4- وبعضهم تنزل عليه صلة الرحم فجأه يقوم يكلم واحد من اصدقاه القدام من زمان
ماكلمه ..يبي يشوف كان ماعنده شي يبي يمره بعد العصر يسلم عليه ..يشوف وش
صار عليه ويشغله عن المذاكره
ويمر جدته وجده وكل اقاربه..زياره من اول يوم لاخر يوم من المتحانات وبعد الاختبارات (
مسااااااااااااااافر في زمن النسيان)..

5-وهذا المسكين اللي من قل الحيله يوجع القلب لاقفلت معه قضب المخده ونام لين
تصحيه امه الصبح ويقول يووووووه راحت علي نومه..

6_ يأنبه ضميره لازم يدخل المنتدى يشوف من رد على مواضيعه ومن نزل موضوع جديد
ولا يترك موضوع ألا ويرد عليه ..
ولا ويطيح رسايل خاصه لكل الاعضاء الي فاقدهم طبعا هم لهم شهور مادخلو بس توه
يحس انه افتقدهم من زود الفضاوه ..........

تحيااتي ..العفريتة

[أنا والمدينة]

أعترف بأنك الوحيدة التي جعلتني أضحك كثيراً من كلامها .. خاصةً هذا الكلام الجميل مثلك
كما أنك جعلتيني أتابع مواضيعك وقصصك الرائعة جداً كل يوم ونسيتيني باقي الأقسام
لك أرق تحياتي