 |
|
 |
| ||
| ||
|
|
|
|||||||
| التسجيل | التعليمـــات | البحث | مشاركات اليوم | اجعل كافة المشاركات مقروءة |
| همس القوافي خاص بما يجول بأفكارك من خواطر وكلمات جميلةو كل ما يتعلق بالشعر النبطي والفصيح والحر |
 |
|
|
LinkBack | أدوات الموضوع |
|
#1
28-07-2007, 24- 01:37
|
||||
|
||||
** محاوره بين عزوبي ومتزوج **
 هذه قصيده لعـــــــــــزوبي قال العزوبي يوم شاف المعاريس (=)الرابح اللي لاقعد مايقومي أول سنه كلن يبث الاحاسيس (=)وثاني سنه تجلب عليك الهمومي وثالث سنه حط الرمل والمتاريس (=)لابد من حرب تقوم وتدومي لامن دخلت الدار لاكنها أبليس (=)متلفلفن في غاليات الهدومي تأخذ من المخباه وتسحب من الكيس(=)وتغير الموديل شي لزومي وان قلت مـــااملك يامره لوهو أفليس(=)قالت تدين لاتكثر بلومي ليتك تساعدني تصحح الكراريس(=)زادوعلينا اربع حصص في العلومي مسيار في العصر والصبح تدريس(=)واليل تصحيح وودي أنومي تبكي اذا جها وجع لوهو أضريس(=)وتقول ابي دكتور ماهو حكومي يروح عمرك بين عرسن وتأسيس(=)وأربع اسنين والبزارين كومي وسط المطابخ بين قز ومحاميس(=)هذاصحن رزن وهذاك ثومي ولاجيت قالت أكنس الحوش تكنيس(=)خل البلاط يصير مثل النجومي ومكرسن جهدك من الخوف تكريس(=) وان نادتك باالصوت أقبلت تومي تعيش يالمعرس حياة المحابيس(=)وشف العزوبي بكل شارع يحومي شف العزوبي مايعرف الهواجيس(=)ولايودي الحرمه في كل يومي ياعنك ماحاش الفخر والنواميس(=)الاعزوبي يعرف السلومي اذاأعرس المعرس غدأ عندنا تيس(=)ونزل اسمه من سجل القرومي واليا بغيت البهذله والدحاويس(=)فااعرس وخلك من عداد الرخومي وش صابكم من عرسكم ياالمعاريس(=)وش استفتم غير دق الخشومي ترى نعاج العام نطت على التيس (=) والحر عقب العرس يصير بومي ---------------- طبعا هذه الابيات لا تصف الحال الحقيقي وانما هي مداعبة شعار وفي هذا الاطار رد احد المتزوجين على هذه القصيدة وقال : رد المعرس : قال العريس انا الذي في سعاده (=)ماني اعزوبي ضايق الصدرمهموم مبسوط من مثلي قعد عندغاده(=) ماهوب مثل اللي لحاله تقل بوم انا أشهد انه عايش في قراده(=) يروح عمره ماتهنى ولايوم اليا دخل بيته يبلش ابزاده(=) يقعد يقطع له طماط ومعه ثوم ولايقضي عقب العصر من عداده(=)والحوض من كثر المواعين مزحوم واليا غسلهن ثم فك السداده(=) دلى يغسل له سراويل وهدوم وان ماطبخ روح لمطعم حماده(=) ولاقعدفي منزله واعلن اصوم وان جاه ضيف باغي له رفاده(=)يروح يشري رز ويدام ولحوم مايعرف الشمبو وراسه عراده(=)وشمغه من الكواي مليانه ارقوم مايكنس الفرشه ويلقط براده(=)اما بقايا رز او خبز معدوم عنده صراصيرآ بحاجة اباده(=)تسرح وتمرح في الغرف دايم الدوم يجمع افلوسه ويتسلف ازواده(=)حتى يسافر مصر او ديرة الروم او راح يم تيلند وترك ابلاده(=) ناظر جوازه ممتلي كله اختوم واليا رجع يروح يم العياده(=) حيث ان فيه من فعايله مزكوم له موترن خرده كثيرآ فساده(=) في كل يوم في الاشاراة مصدوم غمارته تقول كنه جراده(=) في كل يوم نازلن له على قوم يسهر واليا قام الظهر من رقاده(=) روح على شغله والياء اليوم مخصوم يااذي بنات الناس يبغى مراده (=) في كل يوم زاهم له على هوم وراه مايعرس ويقدح أزناده (=) يترك بنات الناس ويصير معصوم يلقى هنوفنن تخدمه مثل غاده (=)ويصير رجالن ويسلم من اللوم يفرح الياء من قرب وقت الولاده (=) ويصير معنى العرس باالحيل مفهوم يشوف أولاده ومعهم شهاده (=) قبل الوفاه وقولة الناس محروم ------------------------- وسلامتكم ..... منقوووووووووول 
|
|
#2
28-07-2007, 24- 16:36
|
||||
|
||||
|
جوري جميل جدآآآآ وحوار هادف 
|
|
#4
29-07-2007, 24- 03:01
|
||||
|
||||
|
مشكوره علي نقلك المحاوره الحلـــوه الله يعطييييييييييييييييييييك العافيـه تقبلي مروري
|
|
#5
29-07-2007, 24- 07:33
|
||||
|
||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه للموضوع: ** محاوره بين عزوبي ومتزوج **
|
||||
| الموضوع | كاتب الموضوع | المنتدى | مشاركات | آخر مشاركة |
| محاوره بين بنات العلمي والادبي .....لا تفوتكم ؟؟ | كـافـى صـدمـات | الضحك و الصرقعه | 14 | 31-05-2007 24- 23:51 |
