كاني كنت مغرورة بحلمي والتعاسة جيش

عطر الحروف · 11-06-2007, 24- 01:40

هذة القصيدة تحكي معاناة لأنسانة ابى الحزن ان يفارقها نضير ماتعاني وماعانت من الظلم والغطرسة. وأبى قلمي ايضاً الا ان يشاركها بهذة القصيدة..
..
؟؟؟

ابحكي بصمت ولا كلمة ما ودي اسمع التشويش
ارد احسب من اللوعة حساب ولوعة الايام

غبية كانت احلامي غبية ماتعرف تعيش
رمتني وسط من يقتل وقالت لي هنا الاحـلام

اسير بسرعة وتعاند تسير بداخلي بشويش
كأني كنت مسجونة بصدري والمنايا خطـام

كاني كنت مغرورة بحلمي والتعاسة جيش
كأني كنت معذورة كاني كنت ما انـــــلام

ولكن وينها روحي وكل الي يبيني طيش؟
جفا مدري من الآهة يعيش ويحتري الاعــدام

سالت وكانت اجوبتي مع دموعي تساوي ليش؟
وليش وليش ياليش تغلغل داخلي بسهــــام

هي الدنيا كذا ترقى ولا تملك سوى التنهـــيش
اذا بنوشها تبعد تطير وتختفي باوهـــــام

وحنا للاسف حناعلى يدينا ماينبت ريــــــــــش
تطير قلوبنا وتبقى مواجعنا مع الاجســام

تدور عيوننا ونعجز ندون لحظة الترميــــــــش
تذوب عيوننا ونعجزنخبي قسوة الايــــام

على يديهم قسا قسوه وتحت عروقهم تلطيش
حناجرهم من البحة تشابه صرخة الايتـــام

عليهم مثل ماليهم حفاوة مفعمة تهــــــــميش
وليهم مثل مافيهم جسد كله ظما وعظــام

يكونوا بالفسق صهوة وفجأة يصبحوا اكديش
يسيدون ويسيسون وبلحظة يرجعوا خدام

بلمحة ينحسب فارس ولحظة ينوصف درويــــش
على كتفه عصامدري وش الي يردهالحسام؟

كاني شفت في يديهم جسد ذابل ما يبغا يعـيش
يموت من الاسى ويمضغ بكف اللي يشيل ابهام

كاني شفت بعيوني قصيدة ترفض التطـــنيش
جريئة صاخبة تمشي بوسط عقولنا قدام

قصيدة من بدايتها هدوء اللي غبى في ليـش
ماهمه وش ابي اكتب يكسر ريشة الاقلام

يعيش وداخله حمى النفاق وافة البخشــــــيش
كانه اعدل واتقى مايعرف سكة الاجـرام

قصيدة كرمها واضح ووقفة وزنها تعريش
تثير وتضوي دروب الرحيل الي بوسط عـتام

وتعلن بان من يسكن جبل يملك جناح وريــش
ويصبح طير في صحراء القصيد وعالم الإلــهام
(( شعر عطر الحروف ))

عسلونه · 12-06-2007, 24- 08:21

مشكوووووووووووووووووووره حبيبتي على الكلمااااااااااااات الحلوى
دمتي بود

عطر الحروف · 13-06-2007, 24- 09:38

اقتباس:

المشاركة الأصلية كتبت بواسطة عسلونه

مشكوووووووووووووووووووره حبيبتي على الكلمااااااااااااات الحلوى
دمتي بود

عسلونة
مشكورة يا غلاهم على الاطراء والحظور الزاهي
وبعدين تعالي اقول لك؟
انا صاك بالصورة وشنبي واصل الكيبورد وتعطيني حرف التأنيث مع سبق الاصرار هههههههه
جل احتراماتي
ع/ح

تحياتي لمن نور · 13-06-2007, 24- 17:26

صح لسانك .. الله يعطيك العافيه
ننتظر جديدك
تقبل مروري

تـــحـــيـــاتــــي لـــمـــن نــــور حـــيـــاتــــي

تحياتي لمن نور · 13-06-2007, 24- 17:34

صح لسانك .. الله يعطيك العافيه
ننتظر جديدك
تقبل مروري

تـــحـــيـــاتـــي لـــمـــن نـــور حـــيــاتـــي