قـال انتبـه باقــي على شفتــك روج .... !!!!

[كـافـى صـدمـات]

ياعين من حطيت عيني بعينـــه

ابطيت واقف في بحر عينها مـــوج

ابحرت في عينه بليا سفينـــه

سجيت فيها لين ضيعني المــوج

حاولت أصـد الشوف عما يهينــه

ولا انتبهت إلا وأنا فيه ملبــوج

شفت الفتن في ملتقى حاجبـيــنه

والسحر في عينه مع الزين مدمــوج

اسود سواده لابسته السكينـــه

وابيض بياضه طايش اللون مرجــوج

زاويه طرف ٍ حاجز ٍ دمعتينـــه

لولاه كان الخد بالكحل ممــزوج

كاسيه رمش ٍ زاد ملحه وزينه

من فوق متكحل ومن تحت مدعـــوج

بين الرموش السود شفت الغبــيـنــه

واللي رماه الرمش ماعاد له بــــوج

مرت ثواني من حياتي ثمينـــــه

وانا اتهادى بين الاشواق وأدوج

مرت وانا قابض على راحتـيــنــــه

واقف مقابل له وساهي ومدلــوج

مدري وش اللي صار بيني وبـيــنـــه

والقلب ماردنه ضلوعي العـــــوج

ولا انتبهت الا بسحبة يدينـــــه

قال انت تبغى الناس تلحقني هـــــروج

قلت اعذر اللي شافك الله يعينــــه

يبطي ودمعه بعد فرقاك مزعــــوج

عينك بنظرات الغلا مستهينـــــه

قال الغلا في داخل القلب منســـوج

قلت الوعد قال ايه كلش بحينـــــه

الله يفتح لك من الضيقة فجــــوج

قلت آآه .. طيب شف لي الدرب وينــــه

قال انتبه باقي على شفتك روج

[تحياتي لمن نور]

كافي صدمات

صح لسانك .. ننتظر جديدك ..

تقبل مروري ..


تــــحـــيـــاتــــي لــــمـــن نــــور حـــيـــاتـــي

[كـافـى صـدمـات]

المشاركة الأصلية كتبت بواسطة تحياتي لمن نور

كافي صدمات

صح لسانك .. ننتظر جديدك ..

تقبل مروري ..


تــــحـــيـــاتــــي لــــمـــن نــــور حـــيـــاتـــي

صح بدنك يالغالـي ويسلمووو كثير علي المرور

تحياتي لك

[مزووووون]

كااافي

صح السان الشاعر

قصيدة رائعه و اختيار ارووع

يسلم ذووقكـ و تسلم يمينكـ

دمت متألق

[كـافـى صـدمـات]

تسلمين مزووووووووووووووووووووووون

ومشكوره كثير علي مرورك

تحياتي لك