عندك اختبار .... اذن تفضل!!!

[جــــــــوري]

نصائح هامه لكل اللي عندهم اختبارات


||[ أول شي : شيل من راســك ..: الإختبـار صعب ! / يــاربي شكلي ماراح أسوي زين ! / هالماادة أبد ماافهمتهـا ! ]||

بالعكس لمـا تحط في بالــك . . إنك راح تجيب أحلا تقدير و أعلى درجة بهالمادة .. علطول عقلك الباطني راح يردد كلماتك
لحد ما أنت نفسك راح تقتنع بأنك قادر على تجـاوز وفهم المادة ،،
بإختصــااار : لاتهتم بكلام غيــرك . . و خلك واثق من نفسك ومن قدراتــك

..


●
●
●
قــبل المذاكرة تأكد من :

||[ غـرفتـك أو مكـان دراستــك ]||

لازم تكون مررتبه أحلا ترتيب .. وتـأكد من تهويتهــا .. و جهزّ مكـانك اللي راح تذاكر فيـه . . طبعـاً أي شي تحـتـاجه
من أدوات وأقلام ودفـاتر لازم يكون موجود ،، عشان ما تتحرك وتقطع تركيزك و مذاكرتك ..





هالـشررط الكل راح يسوويه .. ومتـأكد 100 %
خل بجـنبك كـاس عصــير باررد .. أو قطـعة حلى أو كيك .. لأن السكريـات تزيد نشاطــك . .



يــرجى الإنتـبــااه !
بالنسـبة لللابتوب أو الكمبيوتر . . و الجوال ..!!
الرجــاء إخراجهم من مكـان الدراسة و فصل سلك التلفون .. !
لأن في شي مثل المغناطيس بينك وبينهم راح يجذبك لحد ماترمي الكتاب وتروح لهم !



الألــوان أحلا شي بالدنيااا ..
حـاول وأنت تذاكر تستخدم .. أقلام .. أوراق .. ماركر .. كلهـا ملوونة ..
لأنهـا تفتح نفسك وتساعدك عالحفظ خاصـة في الدروس أو الأسئلة اللي تكون " تعداد " يعني أكثر من نقطـة فيهـا ..
فتفرق بينهم بالألوان..



طبـيعة الإنسـان إنـه " ملول " .. يمل بسـرعة ..
فحـلو بوقت المذاكرة تـاخذ لك بريــك قصيـر مثلا 10 دقـايق . . تغـيـّـر جـو ومنـظر
معلــوومة : أفضل مدة يعمل فيها المخ هي من 40 إلـى 50 دقيقة ، بعدها . . تقل قدرته بشكل كبير !
لكذاا .. حلـو كل سـاعة إلا ربـع تـاخذ لك بريــك لمدة 10 دقـايق . . .



||[ الجـلسـة السـليــمة ]||

ظهـرك ..
عمودك الفقري ..
أهم شي بجسـمك !
حـاول تجـلس بحيـث يكـون ظهـرك مستقـيم ..
و مستـوى الكتـاب قريـب منك .. بحيـث مـا تتعب عنقك ورقـبتك ،،




||[ إلا صلاتي ما أخليهـا ]||

أهم شي بعد ما بذلت الأسبــاب .. هو التوكل على الله وتفويض الأمــور إلــيه ،،
وطبعـا محـافظتك على الصـلاة و الإكثــار من الدعــاء بأن ربي يوفقك ويسهّل عليــك . .

ومن الأدعـيـة اللي تنقـال وقت الإختبارات :

عند المذاكرة :

اللهم يـامعلّم آدم علّمني .. ويا مفهّم سليمـآن فهّمني ،،
اللهم لا سهـل إلا مـاجعلته سهلآ .. وأنت تجعـل الحزَن إذا شئت سهلآ .. فسهّل لي أمري يا أرحم الراحمين ،،


بعد المذاكرة :

اللهم إني إستودعـتك ماحفظت ومـافهمت فردّه لي عند حاجتي إليـه إنك على كل شيء قدير ،،


يوم الإمتحـــان :

اللهم إني توكلت عليــك وسلمت أمري إليـك لا مـلجـأ ومنجى منك إلا إلــيك ،،


عند دخـول القـاعة :

رب أدخلني مدخل صدق ، و أخرجني مخرج صدق ، و اجعل لي من لدنك سلطانا نصيرا ،،


قبل البدء بالحــل :

رب اشرح لي صدري ، و يسر لي أمري , و احلل عقدة من لساني يفقهوا قولي ،،


عنـد النسيــان :

اللهم يـاجامع النـاس في يوم لاريب فيـه إجمعني بضالّتي ،،


عند الإنتهـاء :

الحمدلله الذي هدانـا لهذا ومـاكنـا لنهتدي لولا أن هدانا الله ،،

●
●
●

وربي يوفقكم كلكم من أولكمـ لآخــركم ،،

[باتشي Patchi]

احلى من كذا مافيه ويامساء الفل عليك ياجوري بس انا عندي تحفظ من ناحية الصورة مالاحظتي انه فيه دعاء وتقرب الى الله وحاجه وبعدين تجي صورة الامورة ،،،،،، ما ادري بس اتوقع الرجوع الى الحق خير من التمادي في الباطل وليس جمال التوقيع واقف على وجود مثل هذه الصور ،،، يبقى رأي والله يعطيك العافية

[عاشق الرومنسيه]

علطول عقلك الباطني راح يردد كلماتك

جورى

والله عقلى الباطنى اول ماشوف اللجنه رح ينحاس فوق تحت

وتطير كل المعلومات الى جمعتها

ولاكن الف شكر على التوصيات

[كـافـى صـدمـات]

يخلف الله على الأكل وقت الإمتحانات.. تنسد النفس مرة ههههههههه

الله يذكرها بالخيـر راحت ومانبيها ترجع

و با النسبة للأدعية ..

صادقة والله فديتك

الله يوفق الجميـــع ويوفقـــــــــك جــوري

مـن جـد نصـائح رائعـــــــه ياعسـولـه ..

تحيـــــاتي فديتك

[جــــــــوري]

المشاركة الأصلية كتبت بواسطة باتشي Patchi

احلى من كذا مافيه ويامساء الفل عليك ياجوري بس انا عندي تحفظ من ناحية الصورة مالاحظتي انه فيه دعاء وتقرب الى الله وحاجه وبعدين تجي صورة الامورة ،،،،،، ما ادري بس اتوقع الرجوع الى الحق خير من التمادي في الباطل وليس جمال التوقيع واقف على وجود مثل هذه الصور ،،، يبقى رأي والله يعطيك العافية

مشكور اخوي على مرورك العطر

وجزاك الله خير على النصيحه

واشكرك على اسلوبك الرائع في النصح والله يكثر من امثالك