دورة في المكياج للمبتدئات...مجانآ الدري الاول

[لمسة جمال]

مرحبا فيكم من جديد

حبايبي واخيرآ وصلنا لدروس الظلال والشدو وطريقة توزيع ودمج الشدو....وحبيت اختار لكم صورة صورة وكيفية تقليد الصور بالضبط...فاللي حابة تقلد اي صورة عندها ما عليها الا انها تحط الصورة وانا بشرحلها الطريقة بالتفصيل...

اليوم حبيت اختار لكم هالصورة....مكياج العروس الجريء الخليجي



الادوات المطلوبة:
ماء
فرشاة اي لاينر
فرشاة دمج
فرشاة ظلال
فرشاة الروج
فرشاة التنظيف
فوطة صغيرة
ظلال مائية
ظلال ناشفة
روج
قلوز
تحديد الشفايف
جليتر
رموش صناعية
ماسكارا
اي لاينر مائي (يستخدم بالماء)
الخطوات:

اولآ
نحط القاعدة اللي سبق وشرحت كيفية وضعه في الدروس السابقة...(كريم الاساس والبودرة)

وبعدين ارسمي خطين باللون المائي الابيض عند نهية العين من الخارج (مثل ما هو موضح بالرسم مع اللون الاحمر)

وبعدين حطي لون مائي تركواز فاتح على الجفن باستخدام الفرشاة مثل ما وضحته لكم بالصورة
(ملاحظة: الوان المكياج في الصور لا تتماشى مع الشرح بس انا خليتها لكم علشان تعرفون المكان اللي اقصده)


وبعدين حطي لون مائي كحلي على تحديد الجفن (لى شكل هلال مغلق من جانب الخارجي ومفتوح من الجانب الداخلي
(ملاحظة: الوان المكياج في الصور لا تتماشى مع الشرح بس انا خليتها لكم علشان تعرفون المكان اللي اقصده)


وبعدين حطي لون مائي اخضر من فوق الهلال اللي حطيتيه باللون الكحلي



وبعدين حطي اللون المائي الاصفر في المناطق اللي ما لونتيها تحت الحاجب وجنب الانف




والحين ادمجي بفرشاة صغيرة بين كل لونين يعني ادمجي والكحلي مع الاخضر والاخضر مع الاصفر
(ملاحظة: لا تدمجين لون الجفن التركوازي مع الكحلي)



والحين بعد ما دمجتيهم استخدمي كل الخطوات السابقة مرة ثانية بس هالمرة مع الظلال الناشفة...يعني كرري الخطوات بس مع اللون الناشف لان اللون المائي يكون قاعدة مثبتة للون الناشف وعلشان يبرز اللون الناشف ...وادمجي بنفس الطريقة...
(ملاحظة :لا تمسحين اللون الناشف على اللون المائي بالفرشاة وانما ضعي طرقات بالفرشاة علشان ما تمسحين اللون المائي ويعني طبطبي على الجفون بالفرشاة عند وضعج اللون الناشف)

الحين ارسمي ثلالث خطوط تحت عيونج باللون الكحلي والاخضر والاصفر (المائي) بس لازم تكون الخطوط رفيعة وادمي بينهم...وبعدين حطي عليهم اللون الناشف وادمجي




حطي ابيض مائي طرف العين من برع وبعدين عليه اللون الناشف الابيض بين الخطين اللي سويناهم في البداية



ركبي الرموش وحطي الماسكارا (بنشرح هالخطوات بالتفصيل في دروس ثانية)




يتبع

[لمسة جمال]

الحين ارسمي بفرشاة الاي لاينر المائي الاسود خط على الجفن وخط اسفل الجفن وخليه مفتوح الزاوية الخارجية للعين وخلي عليه ظل ناشف اسود وادمجيه شوي من تحت وفوق



ارسمي الحاجب باللون المناسب للشعر او بني او اسود

حطي الجليتر او اللمعه الفضية بالفرشاة على اللون الاصفر والابيض فقط


وبعدين استخدمي فرشاة الخدود الكبيرة وحطي البلاشر الخوخي او البرتقالي المائل للبني على عظمة الخد (بنشرح هالخطوات بالتفصيل في دروس ثانية)
استخدمي قلم تحديد الشفايف بلون البرتقالي المحروق المائل للبني خارج تحديد الشفايف لتكبير الشفايف ولو ما بغيتي تكبرين شفايفج حطيهم على زوايا الشفايف بس

وبعدين حطي لون روج بيج على الشفايف وبعدين غطيهم بلون روج برتقالي وبعدين حطي لون برتقالي محمر على زوايا الشفايف من الطرفين اليمين واليسار



واخيرأ قومي بتصغير الانف مثل ما تم شرحه سابقأ

وسلامتكم

[شرو]

شكرا كثيرا على الهتمام بالمبتدءات ارجو المزيد .........................................بنت الجزائر

[لمسة جمال]

هلا وغلا فيج

[رعبوبه]

تسلمين حبيبتي والله ماقصرتي كفيتي ووفيتي
وننتظر المزيد
دام لناء عطاءك
اختك
رعبوووبه