ليش حنــــــــــا كــــــذا ..؟؟؟

[احلى مصرقعه]

ليش حنا كذا ..؟؟؟


ليش اهلنا هم اللي يتحكمون فينا ؟؟

بكل شي يتحكمون !!!


شوفوا ..نمسك شي شي ..


اول شي ....

ولدونا ..ما شاورنا ..على كيفهم ...حملت بنا امنا ..وولدتنا ..


ليه ما يسألونا ..؟؟!!!!!!


بعدين ..

سمونا ..ياربي حتى الاسم وهو الاسم بكيفهم ...حتى .. رمز الانسان او الشي الوحيد اللي يملكه ..هو لحاله ..يتحكمون به ..


بعدين ..

وحنا صغار يربونا على كيف كيفهم ..لاتقولين كلام وصخ !! ..لاتاكلين بيدك وتحوسينا ..لا تطلعين للشارع ..لا ..لا ..


بعدين ..


دخلونا للمدرسة ..
ما قالوا تبين تدشرين ...بكيفك ..تتعلمين بكيفك ..يعني العلم شي راجع للإنسان ..نبي نتعلم ولا كيفنا ..

..دخلنا المدرسة ..
وكرف ولعنه جدف ...واذا نجحنا
بزعمهم وين ..مستواك زين بس نبي مستوى ازين !!...


شروا هديه نجاح إن ما قدروا أعطونا فلوس ...


بعدين ...

ووننجح ...وونتخرج من المدرسه ...يالله عاد الحين الجامعة ...طيب مابي ...

الا لازم ..ومن العناد الزايد ...يوفرون لنا كل شي سيارات تودينا وتجيبنا ..





وحتى اذا مرضنا ..

طااروا بنا لهالمستشفيات ...طيب مانبي ..كيفي أبي امرض ..!!!!!!!!!!!!



وو...وو...................و... .....و.............. .....الخ ..

ما نخلص منهم هم وتحكمهم ...ساااااالفه طويلة ...


















يـــــــاكثر ما اسمع هالموال ..
يـــــاكثر ماتجي بنت تعصر دموعه عندنا وأمي خذت جوالي سمعتني اكلم بالليل اهيء اهيء

ولا تجي معصبه على الآخر .. ليش وش فيك عسى ماشر؟؟ تقول: أبوي قطع الدي اس ال ءال إيييييييه ءال اختبارات أبيكم تشدون حيلكم ..

طيب ياحلوة انتي وإياها .. فكري معي شوي ....

ليش اهلك يسوون معك كذا ؟؟
يكرهونك مثلاً ؟؟ ما يبونك مثلاً ؟؟

ترى ياعزوتي محد جابرهم من يوم انولدتي الين صرتي بهالعمر
يخافوون علييك كذا .. ..
بدول ثانيه ان جيتي غصبن عنهم جدعوك با أقرب ملجأ .. وان كبرتي وكثرت طلباتك يقولون لك الباب يابعدي ..
ولا يزوجونك اقرب راعي ( مهو راعي غنم راعي بلاوي(

بدول ثانيه ماتاوصلين خمس سنين إلا تدفعين إيجار سريرك ..
ولا تكرفين بهالبيوت عشان تشترين لروحك خبزه !!

متى نكبر ؟؟
متى نعقل ؟؟
متى نحس .. متى نثقل ؟؟

متى نشوف بعين الأم ؟؟
متى نحس بشعور الأب ؟؟
ليش ندور على الهم ؟؟
طول الوقت مكتئبين ..
مانشكر ... ْ !!

ليه ما نلتفت شوي ..
يمين ويسار ..
نشوف الذل والإهانه ..
نشوف الظلم بألوانه ..
نشوف الموت وهو يصبّح على الأطفال ..
نشوف الفقر وهو يقتل أحلام أجيال ..

ومع هذا نبكي ونلطم ..
خلونا نبي نرتاح .. نبي نعيش على الكيف ..
نبي الحريّة ..
ما ندري إن الحريّة .. هي هالعلم الأخضر .. ونخله وسيف
وقلب أم بنا تهتم ..
وقلب أب منه نتعلم ..
وقلب أخ لزعلنا يتألم ..
وقلب مجتمع يحفظنا .. ويحافظ علينـــا ..

الله يخلي لنا أهلنا يارب ...........

[بنـــت ابــــــوها]

يسلمو مصرقعه الموضوع هذا كان كتبتي عليه خااااااص للمراهقين لانو هم اكثر شي ينخاف عليهم والموضوع بالمره حلوه تسلم ايدينك الحلوووووووووووووووووووووه

[ضاري نجد]

والله كلمك قوي زحف على رموشك

الله يهديك ولايعميك

تحياتي احلى مصرقعه

[احلى مصرقعه]

المشاركة الأصلية كتبت بواسطة حرامية شباصات

يسلمو مصرقعه الموضوع هذا كان كتبتي عليه خااااااص للمراهقين لانو هم اكثر شي ينخاف عليهم والموضوع بالمره حلوه تسلم ايدينك الحلوووووووووووووووووووووه

يـابعد عمــــري والله

تسلـــــــمين يـــــــاقلبي انتي عالمـرور

[احلى مصرقعه]

المشاركة الأصلية كتبت بواسطة ضاري نجد

والله كلمك قوي زحف على رموشك

الله يهديك ولايعميك

تحياتي احلى مصرقعه

يسلمـو يـاخوووي

ومشكــور عالمــرور