 |
|
 |
| ||
| ||
|
|
|
|||||||
| التسجيل | التعليمـــات | البحث | مشاركات اليوم | اجعل كافة المشاركات مقروءة |
| العناية بالشعر ملف كامل للعناية بالشعر , طرق الحفاظ على لمعان وجمال الشعر وصحته , طرق علاج االشعر التالف , خلطات و وصفات للشعر , إكسسورات , تسريحات , صبغات , وهاي لايت , قصات جديدة للشعر |
 |
|
|
LinkBack | أدوات الموضوع |
|
#1
02-05-2007, 24- 22:39
|
||||
|
||||
خلّي شعرك كأنّه مسشور بدون استخدام السشوار
موضوعي مثل ما هو مبين من العنوان عبارة عن طريقة سهلة جدا جدا للحصول على شعر وكأنه مسشور ومثل ماقلت بدون استخدام السشوار والحين انتون مستغربين من العنوان,,, وش سالفة " والله يخليك يا شبك" هههههه راح تعرفون في نهاية الموضوع وهالطريقة خاصة للي شعرها مو ويفي وااااايد ولا الكيرلي أو لصاحبات الشعر المفرود>>> يعني اللي مسوية لشعرها تمليس او ريلاكس او ريبوند او أي فرد وتقدر تطبقها اللي ماتخلي شعرها مفتوح على طول يعني اللي تخلي شعرها مرفوع او اللي تربطه من الخلف على شكل ذيل الحصان نجي للطريقة,,, وعلى بركة الله نبدأ أول شي لازم تستخدمين أي زيت,, مثل أملا بلاس, أو دابر, أو براشوت,,أو أي خلطات زيوت تخلينها في شعرج مدة لاتقل عن ساعتين وبعدين يجي دور غسل الشعر غسلي شعرج زين بالشامبو المناسب لنوعية شعرج وانتي في الحمام _ أعزكم الله_ تجي الخطوة المهمة خذي الحمام زيت اللي تستخدمينه لشعرج وخذي منه ثلاث أو أربع ملاعق,, وحطيها في ملة"بيالة" طاسة" هههههه بكل اللهجات>>> يعني الكمية اللي تحسينها كافية لشعرج بعدين ضيفي للحمام زيت أي كريم أو زيت انتي تستخدميه لشعرج بشرط يكون هذا الكريم أو الزيت ماله ريحة كريهة ومن النوع اللي ينحط على الشعر وتقدرين تطلعين فيه>>> مو تحطين بو ريحة وين ماتمشين الناس تهرب من الريحة ههههه المهم كذا ملعقة من الحمام زيت+ الكريم او الزيت (مثلا زيت صانسيلك مزيج سبع زيوت أو زيت هيملايا أو زيت بيبي جونسون, أو كريم صانسيلك) يعني اللي مالها ريحة شينة وكريهة حطي تقريبا نص ملعقة او ملعقة على حسب نوعية شعرج يعني اللي شعرها واااااااايد جاف تحط ملعقة او ملعقة وربع,, واللي طبيعة شعرها دهني انصحها تحط بس كم قطرة المهم خليه في شعرج لمدة لا تقل عن ثلث او نصف ساعة واذا ماحبيتي تظلي فترة طويلة داخل الحمام,,, حطي الخلطة في شعرج لما تطلعين وخليها المدة اللي تبينها,, حتى لو ظلت في شعرج ساعة وبعدين غسلي شعرج بالماء فقط نشفي شعرج بالمنشفة ,, هو بطبيعته بيظل رطب شوي,,, حطي مباشرة سيروم كريستال أو أي نوعية عندج,,, أو اذا حبيتي بعد تحطين لج "كريم التصفيف من صانسيلك" مشطي شعرج وخليه شوي مفتوح عشان يجف لحاله لمي شعرج وربطيه بربطة الشعر,,, لااااااازم تربطينه وتخلينه مثل ذيل الحصان خليه مربوط ولا ترفعينه,,, الحين نجي للخطوة المهمة جدا واللي راح تستغربين من نتايجها... وأكيد راح تشكريني عليها >>> أبو الثقة هههههههه تاخذين لج الشبك اللي ينحط على الشعر,,>>> وهذا اهم مافي الموضوع مو الشبك الكبير اللي نحطه على التسريحة لما نسوي رولات لالا,, ناخذ الشبك الصغير خذي شعرج اللي وراء,,, اللي للحين مربوط,, وصاير ذيل حصان رفعيه وخليه كعكة,,, احنا نسميها كبابة ههههههه المهم سوي الكعكة وللحين ربطة الشعر في شعرج خذي الشبكة وحطيها على الكعكة وثبتيها بالبنسات أو الشباصات أهم شي انك تخلين الشعر داخل الشبكة حر طليق ههههه يعني ماتثبتين البنسات عليه تخلينه على راحته في الشبكة راح تقولي شلون مابتنزل الكعكة؟؟؟ انا اقول لك,,, ثبتي الشبكة عدل مدل بالبنسات’’’ لكن تحملي تلمسين الشعر او تضغطين عليه بأي شي,, يعني خلي البنسات على الشبكة مو على الشعر اتركي الشبكة على شعرج مدة طويلة’’ وكل ثلاث ساعات تقريبا فكي شعرج ومشطيه عشان يدخله هواء وردي لميه وسويه كعكة مثل قبل ولما تفكينه راح تلاحظين ان الشعر من الخلف صاير مرتب ولا شعرة متدرجة,, وكأنج مسوية له سشوار يعني كل ما طالت المدة اللي خليتين فيها الشبكة على شعرج,,, كل ما صار الشعر أحلى وأرتب بعد 12 الى 24 ساعة راح تلاحظين الفرق انزعي الشبكة ورفعي شعرج بالكلبس او خليه مفتوح على راحتك متأكدة 100% إن الكل بيفكرج مسوية له سشوار ومثل ماقلت في البداية,,, هذي الطريقة مو حق اللي تخليها شعرها كله مفتوح ومنسدل وإذا حبيتي توهمي ان شعرج مسشور تقدري تسشوري قدام بس,,, الغرة بس واللي وراء راح يكون وكأنه مسشور,, ويمكن احلى من الغرة بعد انا اكتشتف هالطريقة بنفسي من مدة واهلنا لما يجون البيت ,, يقولون لي ليش كل تسوشرين شعرج؟؟؟ واقول لهم انه مو مسشور,,, بس الغرة مسوية لها سشوار ووراء مسوية له خطة هههههه علمت كل خواتي عليها,,, والحين كلهم مداومين عليها وكل بين فترة وفترة نروح نشتري لنا الشبك لأن السر الفعال لهالطريقة هههههههه والله لا يحرمنا منك يا شبك جربوها وقولي لي النتيجة واللي ابيه منكم التفاعل في معاي وثاني شي تدعون لي يرتفع معدلي,,, وأجيب المعدل اللي في بالي وثالث شي تدعون لخطيبي يتثبت في الوظيفة ورابع شي تدعون الله يوفقني >>>أدري طماعة هههههه طولت عليكم ويالله طبقوا وعطوني نتايجكم 
|
|
#3
03-05-2007, 24- 00:21
|
||||
|
||||
|
بس هو بيصير لكل اطوال الشعر ولاّ الطويل بده شبكة صيد؟؟؟؟؟ هاهاهاهاهاها.... تسلم ايديكي و انشالله اجربه....
|
|
#5
05-05-2007, 24- 02:59
|
||||
|
||||
|
الله يستجيب لدعواتك
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه للموضوع: خلّي شعرك كأنّه مسشور بدون استخدام السشوار
|
||||
| الموضوع | كاتب الموضوع | المنتدى | مشاركات | آخر مشاركة |
| شعرك طويل ناعم بدون تقصف في أسبوعين | دقة قلب | العناية بالشعر | 51 | 17-07-2008 24- 23:43 |
| (قصيدة محشش لحبيبته) | s3odi | همس القوافي | 10 | 28-01-2008 24- 00:30 |
| صحة شعرك سيدتي بين المشاكل و الحلول | دقة قلب | العناية بالشعر | 10 | 28-08-2007 24- 22:20 |
| النصائح الهندية للحفاظ على شعرك | لـولـيـتـا | العناية بالبشرة و الجسم | 13 | 08-08-2007 24- 07:22 |
| [ خبر..] ثورة جديدة في عالم الطب حقن بدون استخدام الإبر! | لـولـيـتـا | الأمراض و الطب | 4 | 10-08-2006 24- 23:20 |
