الحلوه والخسفه والدبه والضعيفه الكل يدخل

[طفرانه]

 

اسلام عليكم ورحمة الله وبركاته

شحالكن يابنات ..

مممممممم من وين ابدأ ماعرف بس بكتب كم سؤال احسن لي وبعدين الي تبا تقرا الباقي تقراه اهم شي الاسئله

الحين انا ادري انه العسل مفيد للبشره ونضارتها والزبادي بعد .

اوكيه يصير مثلا احط اليوم الظهر عسل على ويهي وبعد ماغسله اقعد كم ساعه بعدها احط زبادي او احط ماسك على ويهي ولا مايصير ..

لاني ابي اعالج بشرتي من الحبوب باسرع وقت ومادري كل مره ابي احط شي عليها والله تعبت

اشتريت كريم من وحده تقول انها خبيرة تجميل الله يسامحها يارب لو تشوفون شو سوا فيني والله تخافون

خلا ويهي كله احمرررررررررررررررررررر وحبوب كبار عليه صرت اخوف المهم الحين رحت صيدليه ثانيه وعطوني كريم حق الحساسيه بس مفعوله مش قوي يعني يباله وقت لين تخف الحساسيه الي فيني ..

الزبده انا ويهي الحين محمرررررررر يعني متحسس يصير احط هالخلطات الطبيعيه فيه ولا لا جابوو بسرعه فديتكن لاني تعبت والله ..


وبعدين بقولكم كل الكريمات الي استخدمتها وكل الشركات الي قصو علي وخذو فلووسي وضروني عشان الكل ينتبه منهم انا حالفه افضح كل من يدعي انه خبير تجميل ويبيع اي كريم للربح وبس مافكر انه نحن مش فار تجارب .؟؟


انا وين ولا وين الحين شو الموضوع الي ابي اكتبه نسيت بس خلاص كتبت مليون موضوع فواحد


سي يووووووووو

[ورود المحبة]

 

العسل فيه دواء و شفاء
بس أظن إنك لازم تزوري دكتور متخصص في الجلد قبل ما تستعملي أي خلطة

تحياتي

[مياسه]

 

اختي طفرانه

مرحبا بك

كما قالت الغاليه ورود
يجب عليك اولا زياره متخصص بالجلديه,,,,
حتى تعرفي على الاقل ماهو نوع بشرتك ,, هل هي ,, دهنيه ,, حساسه ,, ام مختلطه .......

وليس كل ماينفع لغيرك ينفع لك ,,,,
(( كريم ,, خلطه ,,, غسوووول ,....)) فالبشرات تختلف من شخص الى شخص ..


ولاتصدقي كل من يقول او تقول لك انها خبيرة تجميل ,,, ولاتصدقي ايضا ,, الشركات حتى لو ادعت العالميه ,, لاتنسي ان غرضهم الاول والاخير هو تجااااااري .. فعليك اخيتي الحذر ثم الحذر ...


وكما قلنا لك عليك اولا معرفة نوع بشرتك حتى تتمكني من معالجتها ولو كان عن طريق الخلطات..
وبالتوفيق...

:
/
:

[دقة قلب]

 

ماشاء الله بارك الله فيكن
وفيتم وكفيتم

إن شاء الله الطبيب سوف يحدد لكي
الأسباب التي أدت لهذه الحبوب
لأن أسبابها متعددة والصيدليات
هدفها الأساسي الربح المادي
فقط

مع تمنياتي بدوام الصحة والعافية

[طفرانه]

 

تسلمووووووووووووووون ياخواتي عالطله الرائعه والرد الجميل

بس انا بشرتي دهنيه وجافه باختصار مختلطه بس تكون دهنيه اكثر مرات

وامس رحت عند الطبيب وعطاني غسول وكريم وحبوب

بس سؤالي اقدر استخدم وصفات طبيعيه فالبيت كالعسل والزبادي وغيرها ولا لا

انتظر الرد وشكرا لكل من مرت على موضوعي وكل من علقت ..