للمتزوجات فقط

رمزالتسامح · #1 22-04-2007, 24- 23:29

تعرفون احنا متزوجات ولازم نغير من روتين الحياه عندنا في اناقتنا وبيتنا والعطور وكل شي تقريبا
وانا راح ابدا فيكم بالنسبه للجمال كل وحده تقرر انها تعمل قناع محدد كل يوم مانبي لخبطه وبعدين اللي يعجبها تقول ايجابياته وسلبياته
ثانيا خلطات تنعيم الجسم احلى شي استخدمته هو زيت الزيتون والسكر والليمون اكيييييييد عرفتوها وبعدين زيت جونسون حلو للترطيب...
بالنسبه للعطور انا حبيت دكني مره راااااااايق واستخدم بودره من نكتار مره هاديه اسمها ماعرفت له لانه مكتوب بالفرنسي بس علبته من برا اخضر على فضي وبرضه كريم الجسم بريما دونا
يعني اختاري اللي يعجبك
ومن بودي شوب عطر لايف از
ومن زهور الريف سويت كاميليا وعطر الريف وهذا جديد والناس اذواق يمكن يعجبني وانتم لا.. لكن جربوا
المسك (الحجر الابيض) عند عبدالصمد القرشي وهاديه وتمسك فيك,,,,,,,
اما عطور البيت اللي تجنن ضيوفك اذا بخيتيها من عند حامل المسك (منى) و (مكه) و (اسكادا)
اما انواع الكحل يمدحون جيرلان السائل ماجربته بس يقولون مره حلو .....وبعد محمود سعيد اسود وثابت وسعره معقول.....وفيه ماركه كريولان منزلين علب صغيره فيها زي الشمع تحطين عليه مويه وتستخدمين الفرشه وتكحلين لونه اسود اسود مره وبعد في لون بني للحواجب يخليها روعه اما الاضاءه فيه سينما .
وظلال العيون خذي العاديه مو المائيه dmgm ترى الحروف بالcapital
واللي تبي تخلي روجها جذاب حطي ظل على شفاتك حسب ذوقك وحطي فوقه قلوس بس يكون لماع مره ويطلع يجنن.
كل وحده من الصعب انها تغير ملابس البيت كل شوي لكن انا دائما اشكل يعني لاتضحكون علي
كنت احط البلوزه مثل تيوره قصيره والاكمام اربطها على جنب وانسق معها بودي مناسب وتطلع تهبل واضيف بعض الاضافات مثل الشال وانت وذوقك.....
احيانا يكون عندي ملابس تبع الزيارات مليت منها اقص اكمامها بشكل مرتب وتصير حلوه حتى ان زوجي احيانا يشوف علي ملابس ويقول اول مره اشوفها ...وانا لبسته يمكن 10 مرات لكن اغير فيها وفي شكلي وتبدو جديده
وفرحانه عشان اخواتي تزوجوا قريب وراح آخذ ملابسهم يعني اذا عندك اخوات بدلي معاهم الملابس وتبادلوا الافكار بعد...
فيه فكره كتبتها وحده هنا في قسم اخر بس مره اعجبتني اذاعندك كاسة عصير مكسوره من تحت اواناء شفاف حطي فيه مويه ولونيه باللون اللي تحبيه بعدين حطي على المويه عطر زيتي وحطي فوقه الشمعه اللي مغلفه من تحت بماده زي القصدير اظنكم عرفتوها وحطي جنبها ورد مجفف او ورق على شكل قلوب وشغلي الشمعه
وبالنسبه للمفرش افرديه كامل على السرير وبعدين ابداي من الجهه اللي في وجه الباب وطبقي المفرش بالطول مقدار 5سم بس وبعدين طبقه فوقها مثلها يعني زي يوم تسوين المروحه اللي تطبقينها من الورق وتحركين الهواء بيها على وجهك.واوصلي بالتطبيق حتى منتصف المفرش وامسكيه مع الربع الاخير يعني يصير كرانيش متقابله وحطي المخده اللي على شكل اسطوانه اذا توفرت عند مسكة المفرش اللي نفذتيها قبل..