معقول زوجي ماعنده احساس

[لارا]

هذه مشاركتي الأولى بالمنتدى وبتمنى من الأخوة الأعضاء يساعدوني ولا يبخلوا عليي بالنصيحة بس انا لأول مرة بعرض مشكلتي لأن طفح الكيل وماعاد اتحمل وحبيت فعلا اعرض مشكلتي بهالمنتدى ومشكورين جميعا:

انا متزوجة من خمس سنين وعندي ولدين وانا وزوجي نحمل شهادة جامعية وتزوجنا عن حب وهو طيب معي كتير وعنده اخلاق عاليه وكل اللي بيتعرف عليه بيحمله احترام شديد له وحنون وما بيحرمني من شي بس مشكلتي من سنتين او اكتر كمان لما صارت القنوات الأوربية بالبيت عنا ( والله يلعن الساعة اللي شغلنا القنوات الأوربية عنا بالبيت) وبالبداية كنت عادي تابع معه الأفلام القذرة مجاملة له بعدين مليت منهم لأني حسيت انهم قرف بقرف وماعاد تابعت معه ونسيت الموضوع كله ومن وقتها وهو يبقى يسهر بالصالون وانا نام بالغرفة على بكير طبعا يسهر على هالقنوات حتى الساعة 4 الفجر وبعدين ينام الصبح ويتروش ويطلع للدوام اول فترة ما كنت انتبه للموضوع بس بعدين صرت انزعج من تطنيشه لي ومتابعته للأفلام يعني صار يفضل الأفلام عليي ( مع اني في قمة الجمال والدلال والذوق والترتيب ) حتى ما تقولوا انه فيه تقصير مني
وتغير تماما معي حتى ماعاد ينام معي كل اسبوعين او اكتر و فترة الجماع ما تطول اكتر من 5 دقايق او 7 بالكتير لأنه صار عنده سرعة بالقذف بدون ما يراعي مشاعري نهائيا واتحمل
حتى بدأ يتعلق بالسهر وتركي وحيدة بغرفة النوم وهو يفتكرني اني نايمة لكن انا بكون عم ابكي من هالوضع واراقبه وهو عم يتابع هالأفلام حتى بشهر رمضان ما كان يترك هالأمور حتى فتحت معه هالموضوع وقلتله شو آخرة هالمتابعة مو حرام عليك حتى بشهر رمضان ما بتراعي الحلال والحرام للأسف صار يعصب عليي ويبرر شغلات فاضية ما الها معنى ويكذبني
حتى بيوم من الأيام خبرني انه رايح يسهر عند رفيقه وانا رحت على رفيقتي وفعلا هوراح سهر وبعدين مر عليي ورجعنا للبيت وناموا الولاد ولما فتحت التلفزيون وجلست على الكنبة حتى لاحضت مجموعة محارم مرمية على الطاولة ولما فتحتها لقيت عليها من ذلك السائل وياريت متت قبل ما شوف هالمحرمة وسبحان الله حتى يظهر الصح من الغلط انفضح امره وفعلا ناديته وعطيته المحرمة وقاتله شو هاد طبعا هو عرف وخجل وانحط بموقف مخزي للأسف وما نطق
ولا كلمة جلس وهو شارد تماما وانا بديت بالبكاء بس بسكوت وفعلا بكيت بكاء من كل قلبي مابحياتي بكيت متل هاليوم لأني اعتبرتها خيانة وللاسف سقط من عيني وما عاد احمل له ذلك الاحترام اللي كنت احمله اول وهو شافني عم ابكي بس من خجلته من الموضوع ما تجرأ يسألني ليش وبعدها دخل نام وانا قمت توضيت جلست اقرأ قرآن حتى تهدا نفسي وفعلا صليت الفجر ورجعت كمان اقرأ قرآن وابكي وما نمت حتى الساعة 8 وظليت اسبوعين وانا قرفانة اتطلع فيه صرت عامله رسمي بس مو بيدي لا تلوموني لأني انصدمت فعلا وحسيت انه بدو اي ساعة حتى يختلي فيها لحاله بالبيت واستغل هالشي وقضى شهوته لحاله وبعدين طلع يسهرمع رفقاته وم تاني يوم لهالموقف حذفت كل قنوات الأوربية حتى الغنائية والتزمت بالدين اكتر وتقربت من رب االعالمين اكتر حتى ما انجرف ورا الشيطان والحمدلله وحاولت انسى الموضوع لكن عبث ومر اكتر من شهرين ونص على هالموقفلكن يوميا اتخيله وللأسف توقعت انه جوزي يتحسن لكن من سيء لأسوأ حتى انه صارله اكتر من اربعين يوم ما لمسني لو لمسة حتى نفسيتي صارت زفت تخيلوا اني لما الوحدة تشتاق لزوجها ما تتجرأ تطلب منه شي لأني رح حس انه رح يلبيلي طلبي من باب الحلال والحرام او الشفقة وانا ما بحب هالشي طبعا مع اني لمحتله كذا مرة لكن رفض بطريقة غير مباشرة وصار البكاء دائما يرافقني لكن بدون ما يحس وصرت عصبية كتير بالبيت وهو يستغرب ليش نفسيتي متغيرة ومن غباؤه ما حاول يفكر ليش او يصلح شي مع اني حاولت كل طرق الاغراء لكن هيهات ومن ساعتها فضلت احتفظ بكرامتي واقسمت يمين ما حاول بأي شي وصدقوني عودني عن الاستغناء عنه ونحن عايشين سوا وكل ما حس بالشوق له ما لاقي غير قراءة القرآن اللي تهدي نفسي وتريحني والدعاء له بالهداية لأن عصبيته ازدادت هالأيام يمكن لأني حرمته من هالأفلام وحابب يرجع هالقنوات ومو عارف كيف والطامة الكبرى اني مسافرة الشهر الجاي عند اهلي لمدة 4 شهور لأننا عايشين بدولة خليجية وانا متأكدة انه رح يرجه لعادته وكل سنة بقضي عند اهلي مدة لاتقل عن 4 شهور وهو عادي لا يشتاق لي ذالك الشوق المفروض لكل زوج لأني تأكدت انه عم يستغني عني بمتابعة هذه الأفلام بس معقول في رجل بالعالم بيتحمل كل هالمدة بدون ما يفرغ شحنة عنده لدرجة اني صرت شك انه زوجي مو طبيعي او متعرف على امرأة غيري وعم يفرغ طاقته معها او حتى اي شي تاني ما بعرف انا نفسيتي تعبت كتير وفقدت القدرة على التفكير تماما ويمكن فيه تفاصيل كتيرة ما تذكرت اكتبها وانا آسفة على الاطالة بس مضطرة اذكر التفاصيل حتى تعيشوا معي الحدث وتساعدوني شو اعمل معه وامانة كل اخ واخت بالمنتدى ما يقصر عليي بالنصيحة والمساعدة

[انثى العنكبوت]

الله يعينك يااختي

من اهم نكبات حياتي كانت مثل مشكتك

واعتقدت وقتها اني حليتها ولكني انا من اكتويت بنارها
ساعود لك وساخبرك مافعلت

وقتها حلت المشكلة واعتقد انها تقريبا انتهت


الله يعينك وحسنا مافعلتي بالتقرب لله سبحانه بالقران والصلاة والدعاء

[Samasky]

كان الله معك

[aghiad]

هلا بيك اختي عليكي اولا بفتح صفحة جديدة معه والدعاء له دايما وان تحاولي ان تشغليه باي شيئ وانت تحاولي تجديد حياتكم ومعليش حاولي معاه عندما تكوني لوحدك انته واياه حاولي ان تداعيبيه وترتمي باحضانه والتقرب منه دون انه تحسسيه بالذنب الذي ارتكبه وفي الاوقات المناسبة ذكريه ان مشاهدة هذه القنوات عقابها اكيد وان تأخر ان لم يتوب وان الرزق سوف يخف وان الفقر سيلحق به والله يعينك ويكون معك ساهر الليل

[أبو اثير]

اختي لارا

اهلا وسهلاً فيك....

اختي احييك على تحملك وصبرك وادعوك إلى المزيد من الصبر والدعاء... وطالما حذفتي القنوات القذرة .. اصري على موقفك .. ولا ترجعيها.. مهما كان.

اختي فالله/ القرب من الخوف يذهب الخوف... بمعنى كلما اقتربتي من مصدر الخطر اصبحت لديك القدرة على الدفاع عن النفس.. الموضوع ليرتقي لمستوى الدفاع عن النفس ولكن...

يجب ان تواجهي زوجك بكل شجاعة وصرامة.. الزواج مبنى على المودة والرحمة ومن اهم عناصرة احترام وتقدير الطرف الآخر.

اختي فالله/ لا تظنين بانه يوجد لديك نقص ... لا ..ربما النقص والخللل في الطرف الآخر... لذا عليك ان تواجهي زوجك... وتضعي المشكلة برمتها بين يدية..فربما كان في غفلة من امره... لا تتنازلي عن شئ هو حق لك..

حفظك الله ورعاك.

تحياتي،،