أرجوكم ســــاعدوني...!!

[Miss_Secret]

 

السلام عليكم ورحمة الله و بركاته

كيف حالكم يا أعضاء المنتدى؟

هذي أول مشاركاتي
عندي مشكلة وأبغي مساعدتكم فيها

أنا متزوجة تقريبا من 8 شهور مشكلتي مع زوجي الله يهديه

أنا صار لي متزوجة من 8 شهور
و في بداية الزواج كنت أسعد انسانة فالدنيا كلها... بس بعد تقريبا 4 شهور اكتشفت ان زوجي يخوني

وكانت هذي صدمة حياتي... أنا متعودة دايما اسوي مفاجآت حلوة لزوجي فكنت هذي المرة أبغي أكتبله رسالة حب في تلفونه (وهذي مو أول مرة أسويها) بس هالمرة غلطت غلطة وهو اني ارسلت الرسالة لنفسي بدل ما اني أحفظها في تلفونه ... فرحت بسرعة ومسحت الرسالة من صندوق الرسائل المرسلة وهناك اكتشفت وقريت المسجات اللي كان يرسلها لهذي البنت ... طبعا انا انصدمت وما حبيت أصدق فالبداية وماعرفت شو أسوي فقمت بسرعة ومسحت المسج اللي أنا كتبته ...

المهم إني فنفس اليوم واجهته وسألته عن هذي البنت فقال لي إنها اهي اللي كانت تتصل فيه واتقول انه تعرفه وتعرف سيارته ووين يشتغل وكل شي وحابة تتعرف عليه فهو كان يبغي يكمل السالفة معاها بس عشان يعرف هي منو... هذا كان تبريره لي ووعدني انه ما راح يكلمها مرة ثانية... المهم انا صدقته بس بعد فترة اكتشفت انه يخونني مرة ثانية ويعرف أكثر من بنت وانا شفت تلفونه ومسجاته لهم... الموضوع صارله احين 4 شهور وانا مو عارفة شو اسوي.. انا أحبه وااااااايد و ما أبغي انفصل عنه... وانا مو مقصرة معاه دايما اسويله الأشياء اللي يحبها و دايما اتعدل واتكشخ له واسوي اللي يرضيه بالعكس هو اللي دايما مقصر معاي لأنه مشغول برع البيت وما أشوفه فاليوم إلا وقت الغدا والعشا وعند النوم ...

قلبي يعورني وايد وبفعلته هذي جرحني وفقدت الثقة فيه وصرت دايما اصيح (طبعا من غير علمه) وماعرف شو السبب ورى خيانته هذي وهو اللي دايما يردد لي انه يحبني وصرت أحين ما أصدق هالكلمة!!

انتوا شو رايكم وبشو تنصحوني؟؟؟ هل أواجهه أم لا؟؟!

أرجوكم ساعدوني
واسمحولي إذا طولت عليكم

[سيوان]

 

الله يخسه ماله حق يسوي كذا حاولي تعدلينه الله يهديه

[emad-sh]

 

عزيزتي السلام عليكم ورحمة الله وبركاته
اولا انت لست بحاجة الى من يساعدك لانه على ما أعتقد والله اعلم لايوجد رجل في العالم يخون زوجته الا ان يكون
السبب في الزوجة اولا انظري في مرآة نفسك وانت تعرفي السبب
ثانيا نحن الرجال نحب التنوع ولكن اذا كان كل شئ موجود في البيت من حب وحنان ووووووو فلا نجد وقت للخيانة
سامحيني ان اطلت عليك
أخوك عماد من سوريا

[سوزانا تميم]

 

المشاركة الأصلية كتبت بواسطة emad-sh

عزيزتي السلام عليكم ورحمة الله وبركاته
اولا انت لست بحاجة الى من يساعدك لانه على ما أعتقد والله اعلم لايوجد رجل في العالم يخون زوجته الا ان يكون
السبب في الزوجة اولا انظري في مرآة نفسك وانت تعرفي السبب
ثانيا نحن الرجال نحب التنوع ولكن اذا كان كل شئ موجود في البيت من حب وحنان ووووووو فلا نجد وقت للخيانة
سامحيني ان اطلت عليك
أخوك عماد من سوريا

رجعتو وقلبتوها
وحطيتو الحق على الزوجه

ها ها ها
هاد طبعك يا ادم انت ولا عمرك بتغلط حالك

معلش يا اختي كمان شوي راح يقولولك انت ما بيعبي عينك اي شي واقبلي باللي عندك واسكتي ومنيح انك متزوجه

انا ما عندي تعليق على الموضوع لانو ما عندي الحل
بس جواب الاخ اغاظني فعلشان هيك رديت
ومتاسفه وان شاء الله بتلقي حل لمشكلتك بالقريب العاجل

[Miss_Secret]

 

أخوي عماد أنا عكس اللي انت اتقوله
أنا بعدي ما دخلت العشرين سنة والحمد لله مهتمة بنفسي واغير دايما من لبسي واسلوبي وطريقة تسريحة شعري و مو مقصرة معاه وا حاول دايما اسوي اللي يرضيه
... و مع ذلك يخونني !!!!!!!!