 |
|
 |
| ||
| ||
|
|
|
|||||||
| التسجيل | التعليمـــات | البحث | مشاركات اليوم | اجعل كافة المشاركات مقروءة |
| عالم المتزوجين سلوكيات الحياة الزوجيه , طرق التعامل , نصائح للسعادة , أساليب المعاشره الزوجيه |
 |
|
|
LinkBack | أدوات الموضوع | إبحث في الموضوع |
|
#1
22-02-2006, 24- 20:50
|
||||
|
||||
دلعــــــي زوجــــــــك
السلام عليكم حبايبي ومساء الورد والفل والياسمين والكادى والجوري والبخور واغلى انواع العطور بصراحه فكرت اكتب هاالموضوع بعد ماكتبت موضوع دلع زوجتك معاملة باالمثل وحتى لايزعلون علينا الرجال امممممممممممممممممممممممممم  عزيزتي الزوجه : تدليعك لزوجك موتنكدين عليه ؟ الزوج ياعزيزتي كل اللى محتاجه انه يكون مرتاح في بيته بعد مايجي من عمله تعبان ومرهق تكوني جهزتي له حمام عشان يتروش ويروق وبعدها يكون غداه جاهز ومرتب وبعدها ينام له شوي صدقيني راح يقوم واهو مفرفش واطلبي منه اللى تبين ساعتها مو زي اغلب الحريم ياكافي يجي زوجها واهي تشاخر فى سبعين نومه ملت بطنها من فضل ربي وحطت راسها وتلاقين كرشة الوحده وش كبرها اكل وتسدح ويقولون ليش رجالنا مايهتمون بنا نعنبو بليستس انتي واهي خففو هاالكروش الوحده تسنها حامل باالتاسع من كبر بطنها الحين فيه انديه للتخسيس يخلون جسمتس كنه دله ويرسمونه لتس رسم امشى وتحركي اذا ماتبين تشتركين او ماعندتس فلوس شوارعنا وش كثرهن وطولهن لو تمشين كل يوم كيلو نزل وزنتس كيلو بس الله يهديكن ذبحكن العجز مع ان اغلبكن عندهن شغالات وعندهن فراغ بس مااستغلنه بشي ينفعهن قصي شعرتس واصبغيه كل شهرين او ثلاثه غيري بشكلتس الرجال يحبون هاالحركات ترى والله اني استانس اذا جيت ولقيت زوجتي متشيكه ولابسه جنز وريحت اطيابها تفوح مهوب عذر شغل البيت ترى كله حبة رز ومعها ملوخيه ولا سلطه واجدعي المواعين على الشغاله وتفرغي لزوجتس  روشيه وحلقي شعره ترى مهوب عيب وفخر والله له ولتس بعد اما انه يجي للبيت ويشوف عليتس قميص لتس اسبوع ماغيرتيه وشلون تبينه يهتم بتس ؟ البسي له سترتش ولا بنطلون جنز ( هبلي فيه ) وخلي ريحتس دايم حلوه كنها ريحة طفل  غيري ترتيب البيت الاثاث غيري مكانه مكانه حوض السمك والكنبات واشجار الزينه غيريه ترى الحركات هذى تبسط الزوج ويكون اقرب فيها لزوجته راعي مشاعره وظروفه الماديه مهوب اذا صار نص الشهر وطفر الرجال قلتي ابي فلوس ولا ودنى للسوق خلي عندتس اتيكيت بطريقة وضع وترتيب سفرة الاكل جمليها مهوب تحطين سماط وفوقه صحن ولبن كننا فى مطعم على طريق القصيم غيري الاكل وكثرى السلطات ترى الرجال يحبونها ويحبون المفاجأت باالاكل والعصيرات وغيره فى غرفة النوم قبل لاتنامون حاولي تقرين قصه انتى وياه وعيشو احداثها ويفضل القصص الرومانسيه وانتي تكلمينه العبي بشعره ودلعيه اليوم شكلك يجنن ياحلو ريحتك حبيبي يازين الرجال انت احبك  اليوم مشتاااقه لك مووووت وهو فى عمله ارسلي له مسج قولي له احبك ياابو فلان ولا ياحبيبي انتظرك حياتي على الغداء لاتتأخر علي مجهزه لك اكله تهبل اشياء في نظر البعض بسيطه بس تعنى للرجل الرومانسي الكثير عكس الجلف المهمل لنفسه ماراح يهتم لاشياء زي كذا ولكن انا حطيتها للرجل اللي يحب حياته وبيته وزوجته تحياتوووو 
|
|
#2
22-02-2006, 24- 21:08
|
||||
|
||||
قلبت 180 درجه وليف الروح ترى الكل بيكرهك لالالالالااخوي صادق في كل كلمه قلتها انا معك اللبس, لازم الزوجه تشوف زوجها ويش يحب من بنطلونات وتشرتات وقمصان النوم الاكل ,لوكان الاكل رز وملوخيه هينه بس التغير زين اليوم رز بكره مكرونه بعده ايدامات ............ الشكل ,لو بقص شعري كل شهرين واصبغه معاد بقي شعر عندنا خليها كل سنه اما عن الكرش ليش هذا الهجوم كله مو كل الحريم عندهم كروش والي عندهم شغالات الله يهنيهم بالراحه رياجيلهم يحبونهم وعلى العموم كثير انبسطت وكثير زعلت من الكلام والزوجه اللي تحب زوجها تسعى علشان تسعده وهو كمان مشكور اخوي واتمنى ماتزعل اختك بسمات بتخفف عليك الهجوم
|
|
#5
23-02-2006, 24- 02:16
|
|||
|
|||
|
دلعيه دلعيه والله معندكم سالفه وهاذا الي ذابحنا كثر التدلع والتغلي طنشيه وشوفي وش بصير ملاك الرجال عامةً ما ينعطون وجه كلامك جميل بس هاذي وجة نظري والزوجة والله لو انها ملكة جمال يعني ما ناقصها شي تلقى عويناته زايغه خخ بس لا تزعلون من وجة نظري ولك تحياتي وليف الروح
|
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
|
|
