ضميري يؤنبني ارجو مساعدتي........

[~صدى المشاعر~]

في البداية اشكر القائمين على المنتدى على هذا المنتدى الرائع..............
اعذروني اذا كان هذا اول موضوع اكتبة ولكن لسوء حالتي النفسية محتاجة مساعدتكم واسمحو لي اتكلم بالعامية
{انا عمري23سنة من سنة ونصف تقريبا تخرجت من الجامعة وكنت وللة الحمد متفوقة جدا وابدعت في مجال قسمي ورشحتني الجامعة للاعادة وبعدماتخرجت تزوجت ومر موضوع الخطبة والملكة بسلام وكنت مرتاحة وكان زوجي متعلق فيني بدرجة فضيعة ولكن بعد الزواج واول مادخل علي الرجل حسيت بكتمة فضيعة في البدية قلت اكيد رهبة اول ليلة وسكت وماقلت لة شي سافرنا من ثاني يوم وانا اضغط على نفسي الين ماانفجرت وقلت لة عن الكتمة هو انصدم بس حاول يهدي الوضع الين مارجعنا من السفر بعدين بدت حالتي تزيد سؤ صرت مااطيقة واذا تكلم معاي احس اني ودي اذبحة كرهتة وشكلة وماتحملت معة الا10ايام بعدين رجعت لاهلي مثل الميتة بعدين قالوا يمكن سحر اوعين وبدينا مرحلة القرأة وماخليت شيخ في السعودية الا ورحت لة كلهم قالوا مافيك سحر فيك عين قوية واستمريت في القرأة مع اني حاسة ان اللي فيني مو عين بس كارهتة ..............
واعتذرت من الجامعة بسبب ظروفي النفسية بعدين قررت ارجع لبيتي واستعديت وانا كلي امل ولكن للاسف ماقدرت اقعد عندة الا يوم ورجعت لاهلي وطحت مريضة وهكذا حالتي حاولت ارجع لة 6مرات واكثر ولكن ارجع من بكرا لاهلي وهو متمسك فيني بشكل فضيع وانا مااطيقة ياناس واللة اكرهة مااطيق شكلة. كلامة .تصرفاتة كل شي احس بغثيان مستمر معة لكن اللي مضيق صدري انة مقتنع اني احبة لانة يقول لوانك ماحبيتيني كان وضح في الملكة حاولت لين ماتعبت بعدين اقنعوة اهلي انة يطلني طلقة وحدة ورفض وياللة بالموت طلق طلقة وحدة وبعدها كأنة رد لي روحي ورجعت طبيعية تماما يعني شفيت ورجعت للجامعة الحمدللة ولكن ماملت لة ولاابغى ارجع لة ابد وماتغيرت حالتي ناحيتة يعني لازلت اكرهة وماطيق احد يذكرني فية بس انا خايفة من العقوبة طبعا الحين مر سنة على طلاقي ولم اسمع انة تزوج اوخطب و اللي مئنب ضميري:

1-هل ممكن ان البنت تكون في الملكة مرتاحة ولكن بعد الزواج تكره الرجل؟

2-كان يقولي انة انتي راح تكونين سبب في حرماني الذرية لاني ماراح اتزوج بعدك.وهذا معذب ضميري

2-نفسية الرجل ساءت جدا هل لي ذنب في ذلك وانا واللة بذلت قصارى جهدي ولكن ماقدرت اعيش معة واللة اظلمة

3-حتى بعد الطلاق ب4شهور يرسل رسايل لجوالي تعذب الضمير الين ماغيرت رقمي
ملاحظة*حتى الاطباء النفسيين استشرتهم وقالوا الطلاق افضل لك

انااسفة اني طولت عليكم لكن ارجوكم احتاج لمساعدتكم بردودكم ولكم جزيل الشكررررررررر

[آهات عشاق]

الأمر أكبر من أن أكتب كتابة بسيطه ..

ولكن لي عودة مفصله ان كانت هناك فائدة اتوقع أن أقدمها لك ..

تحياتي وواحترامي

[البرك]

هذا النصيب وانتي ما قصرتي حاولتي ولــــــــــــــــــــــــكن هذا قدر وقولي الحمدلله ان مافي اولاد , والله يوفقه بنصيب افضل !!

[عذبني الحب]

اختي العزيزه اتفهم ظروفك ولا اغفل عن مشاعر زوجك


حاولي تتعوذين من ابليس وتقربين من الله اكثر

اكثري من الدعاء فالدعاء مخ العباده


اذا كان زوجك ما ينعاب ليه تتركينه


اجلسي فتره عند اهلك وشوفي وش تحسين


وقتها لكل حادث حديث



اللهم رب السماوات والارض اجمع بينهما على خير ووفقهم لكل خير واختم حياتهم بخير

[₪بـرٍد وٍدفـآ₪]

اختي اتوقع اللي صابك عين والله اعلم والدليل انك خفيتي بعد ماطلقك
(مع اني حاسة ان اللي فيني مو عين بس كارهتة ) العين تسبب الكره واكثر من كذا

والحل انك تروحين لشيخ يقراء عليك غير اللي رحتي لهم واستمري معه
والله يشفيك ان شاء الله وتبشرينا برجعوك لزوجك باذن الله