كلمات اغاني جديد عبد المجيد

[ميعاد]

.. كلمات أغاني البوم الفنان " عبدالمجيد عبدالله " الذي يحمل عنوان " انسان أكثر" ..
---------------------------------------------------------------
الاغنية .. عالجوني
كلمات .. عبدالله بودله
ألحان .. فيصل الراشد
عالجوني عالجوني ياهلي لاتتركوني
صاحبي فارق عيوني ردوا الغالي عليه
ردوا الغالي عليه
شوفته ياناس ابيها وبحياتي اشتريها
أشهد اني رحت فيها ياهلي جيبوه ليه
ردوا الغالي عليه
قمت اهذري بالحبيب ليته يجيني قريب
أعرفه له قلب طيب مايخليني كذيه
ردوا الغالي عليه
---------------------------------------------------------------
الاغنية .. عسي ربي
كلمات .. حامد الغرباوي
ألحان ..وليد الشامي
عسى ربي يخليك لعيونك .. وعسى ربي يخليني لعيونك
حبيبي دنيتك صعبه بدوني .. ولاشي دنيتي تسوى بدونك
أنا مغرم ياغالي فيك .. وادعي ربي يخليك
اذا عني بعدت يجن جنوني .. لأنك صرت أغلا من عيوني
عسى ربي يهنيني بغرامك .. ولا يحرمني من رقة كلامك
ياأغلا انسان أنا عندي .. ياحزني وفرحتي وسعدي
واخاف الناس عنك يبعدوني .. حبيبي صرت أغلا من عيوني
حبيبي فيك راضاني زماني .. لغيرك مايطاوعني حناني
سكن حبك في وجداني ... وعوض فيك حرماني
غرامك غير احساسي ولوني .. حبيب الروح يااغلا من عيوني
---------------------------------------------------------------
الاغنية .. طيب تعال
كلمات .. خلف الخلف
ألحان ..صالح الشهري
طيب تعال ومد كفك وسلم
أخطيت صح أخطيت لكني أغليك
تصدق إني ماعرفت أتكلم
وان الحكي لو أجمعه مايكفيك
من شفت زولك قلت يارب سلم
عزالله إني بعدها رايح فيك
أقوم واقعد والتفت واتولم
طيرت علقي من عقب ليلتك ذيك
ياللي عيونك من تخزه يبلم
يركض يبي قربك وفجأه يعديك
مثل الذي يحلم ولاهوب يحلم
يتوه في عطرك وكحلك وباقيك
---------------------------------------------------------------
الاغنية .. أحتاج اسالك
كلمات .. تركي
ألحان ..طارق محمد
ليه دايم أحتاج أسألك
وايش فيك شللي زعلك
ليه دايم ردودك تكون نظره بمعني ايش دخلك
كيف تسأل يعني ماتعرف غلاك
إنت تدري مالي في الدينا سواك
لو مكاني إنت تقبل .. كيف تسأل
تنفيني خارج عالمك
وانت في قلبي مسكنك
آقف على حدودك ولاتسمحلي إني أوصلك ماأوصلك
ليه دايم تختبر فيني غلاك
كل ذنبي إني حبيتك معاك
لو مكاني إنت تقبل .. كيف تسأل
---------------------------------------------------------------
الاغنية .. ياويل قلبي
كلمات .. فيصل بن خالد بن سلطان
ألحان ..صالح الشهري
ياويل قلبي يقول وده يفارقني
وده يشوف ايش اسوي لو يخليني
يدريبي اتعب ولكن مو مصدقني
يحسب غيابه سهل لاغاب عن عيني
يمر قدام عيني ومايطالعني
وانا لنظرة غلا منه تكفيني
اجيه كلي وله ولا يصافحني
من حيرتي منه قمت افرك يديني
يحس بكره ويرجع لي يدورني
انا ادري انه مثل مااغليه يغليني
هذا حبيبي ولا يمكن يفارقني
وانا اتحداه لو ضيع عناويني
---------------------------------------------------------------
الاغنية .. بريحك
كلمات .. عبدالله بودله
ألحان .. سهم
بريحك منى خلاص واغيب عن عينك
مدام هذي رغبتك لازم احققها
وابطلبك آخر طلب الله لايهينك
قلي أحبك حبيبي بخاطري اسمعها
آخر طلب
إذكر لقانا كيف غير لك موازينك
هاللحظه تكفي عالاقل ابيك تذكرها
ليلتها كانت شمعه تضوي بيني وبينك
ويوم انطفت إنت الهوي اللي هب واخمدها
بغيت عنك كثر ماكنت بيدينك
وعلى كثر ماكنت كذباتك اصدقها
وان شفتني لاتقول شخبارك وينك
حتى عيوني حرام انك تطالعها
واخر طلب
خذ ذكرياتك والمحبه شوقي وسنيني
معاك روحي انا ما ابي اضيعها
وانسى الموده وكل شي بيني وبينك
انت بحياتي غلطه لكن ما حكررها
---------------------------------------------------------------
الاغنية .. إنسان أكثر
كلمات .. تركي
ألحان ..طارق محمد
إنت ماانت انسان أكثر
وقلبي مو من قلبك أصغر
ومثل ماتشعر تأكد إني أشعر
فيني منك فيك منى
غصب عنك غصب عنى
إلتقينا واللقا قسمه مقدر
هان طعن السيف ولا طعن الكلام
من حبيبي اللي وسط حفني ينام
مالي غيرك ومالك إلا آنا حبايب
يكرهك نصفي ونصفي فيك ذايب
الهوى غلاب وامر الله غالب
ألزمك طول العمر لااجي ولا اروح
كني مقيد وقيدي مو سلاسل
قيدي اخلاص وفا والا انت قايل
لويقوم الكون وتخفس بي زلازل
مااحرك ساكن بك مير مسموح
---------------------------------------------------------------
الاغنية .. شيخ عبدالله
كلمات .. خالد العوض
ألحان ..بندر سعد
ياشيخ عبدالله قل الغضي قله
يرضيه انا اتعذب باقي العمر كله
هذا وانا اغليته من قلبي حبيته
من زود حبي له حبيت كل اهله
ياشيخ عبدالله خلى جفابوصله
وش حيلة المبلي بالف ومية عله
شوقي ملا صدري وهوه ولايدري
عنوانه بقلبي وعنواني مادله
ياشيخ عبدالله شيبك غزاراسك
والشيب لاحقني مثلك انا والله
والحال ياويلاه انهدبه حيله
علمني شي الحيله داخل عليك الله
---------------------------------------------------------------
الاغنية .. والله فاضي
كلمات .. فيصل بن خالد بن سلطان
ألحان ..رابح صقر
والله فاضي جاي تحكي لي همومك
وانت تحسبني انا من الهم فاضي
بس تدري شلون انا ماراح الومك
ماحد في عيشته ياعمري راضي
خلني فيومي أعيش وعيش يومك
والقدر لاماعليه أي إعتراضي
وان كان ماضي قلبك منسيك نومك
منهو فينا ياحبيبي ماله ماضي
اضحك ودنياك تضحك في قدومك
خلي شمعات الأمل بالعمر تاضي
والمتاعب لاتطيح من عزومك
واعتبر موضوعها خالص وقاضي
---------------------------------------------------------------
الاغنية .. عسل دوعن
كلمات ..ابو بكر سالم
ألحان ..ابو بكر سالم
خلوني على صبري
خلوني على جمري
معاك صابر سنين
منك ياعسل دوعن قوت العاشقين
نظره منك تكفيني
يامسكوب في صيني
كالماس الثمين
منك ياعسل دوعن قوت العاشقين
ياسبحانه الشافي
ذي خلى العسل شافي
في دنيا ودين
منك ياعسل دوعن قوت العاشقين
---------------------------------------------------------------
الاغنية .. ماكنك
كلمات .. خلف الخلف
ألحان ..طارق محمد
ماكنك الا واذكر الله واكبر
مخلوق بكيفك وذوقك وخاطرك
كني بسحر في عيونك يدبر
من شافها قام يتعوذ من الشرك
انا اشهد إنك اطعم الخلق سكر
هذا وانا ماذقت في يوم سكرك
نوب تطول بعيني ونوب تكبر
نوب تحط بخاطري شي واشكرك
إنت البعيد اللي له الدرب يقصر
بلقاك والا لاخر العمر بنطرك
تغيب قاصد أو تجلي وتظهر
أولك في بالي وفي قلبي آخرك
---------------------------------------------------------------
الاغنية .. فوق هذا الحب
كلمات ..فيصل بن خالد بن سلطان
ألحان ..ممدوح سيف
فوق هذا الحب احبك ... وبعد اكثر كثير
ياللي تدري ان قربك .. انا احتاجه كثير
يمكن اكثر من غلا روحي لروحي
وانت من نساني بالدينا جروحي
ونساني نفسي وخلاني أحبه
هو صحيح إني قدرت اوصلك لكن
ماني عارف وين أبوصل بالمحبه
لقيت بك عمري اللي ضاع .. ولقيت انا فيك الحنان
لو بيدي ياحبيبي .. كان أعرفك من زمان
لحظة اللي تلتقي بي .. يبتسم حظي ونصيبي
ومثل انا ما اقول أحبك ... إنت قول انك حبيبي
---------------------------------------------------------------
الاغنية .. القلب الحنون
كلمات .. وسيم باسعد
ألحان ..فايز السعيد
ياصاحب القلب الحنون .. لاتبعدك عني الظنون
أخاف قلبي ويا عيني .. عالبعد ذا يتعودون
خليتني وسط الجروح .. مثل الجسد من غير روح
والمشكله تدري بغلاك ... ياكيف تتركني وتروح
يامبعد عني بعيد .. وتاركني في بعدك وحيد
أموت أعرف بس أنا .. من هالفراق وش مستفيد
---------------------------------------------------------------
الاغنية .. تلفت الناس
كلمات .. طلال الرشيد (( العطيب ))
ألحان ..جابر الكاسر
تلفت الناس لامريت
تكسر رقاب خلق الله
الزين خذته ولا خليت
حرام لاتاخذه كله
لباقي الناس وش بقيت
ياللي لك اوصاف مكتمله
وتمر عادي ولا حسيت
حسنك به الناس منذهله
طلتك حلوه إلا طليت
ياحلوها جد من طله
الكل يصرخ إلا من جيت
هذا القمر وانقلب ظله
---------------------------------------------------------------
الاغنية .. هذاك اول
كلمات .. منصور الشادى
ألحان ..ناصر الصالح
هذاك أول .. إذا قلت بتخليني
تبين دمعتي بعيني
ماعاد يهمني بعادك
ماعاد اهتم مثل أول
انا قلبي ترى تحول
أنا برحل .. وبدل واحد بواحد
غيابي يمكن يساعد
وتاخذ راحتك أكثر
ماعاد أهتم مثل أول
أنا قلبي ترى تحول
كذا أسهل .. بدل ما اضايق أحبابك
وقبل لايكثر غيابك
وقبل لاتقولها بغرور
ماعاد أهتم مثل أول
أنا قلبي ترى تحول
إذا بتزعل .. ياخي إزعل ولاتسامح
أنا قصدي كذا واضح
ترى تسوي الجروح أكثر
ماعاد أهتم مثل أول
أنا قلبي ترى تحول
---------------------------------------------------------------
الاغنية .. ناوي تخليني
كلمات .. عبدالله بودله
ألحان ..سهم
ناوي تخليني ... وتغيب عن عيني
ليه ليه تتركني لحالي
ليه ليه ماتبي حتى وصالي
ناوي تنساني ولاتسأل علي
إنت يعني ناوي تنهي كل شي
عشان حبيتك .. وقدرتك وجيتك
ليه ليه إبتديت تصد عني
صرت دايم في كلامك تتهمني
ناوي تنساني ولاتسأل علي
إنت يعني ناوي تنهي كل شي
تنهيني بيدينك .. وين الغلا وينك
روح روح لااجيك وتجيني
روح روح الله لايسامحك فيني
ناوي تنساني ولاتسأل علي
إنت يعني ناوي تنهي كل شي
---------------------------------------------------------------
مع التحيه
منقول

[حلوة الريق]

مشكوووووووووووووووووووووووورة


ويسلموووووووووووووووووووووا




دمتي لنا بود

بأنتظار جديدك

[ميعاد]

يسلمووووووووووووووووو ع المرور
يعطيكي الف عافيه

[الإمبراطوره]

يسلموووووووووووو ميعاد

يعطيك ألف عافيه

[زي العسل]

يسلموووووووووووووووو ميعاد

الله يديك العافيــــــــــــــــــة...