وقت الفرح تكفين.. لاتنكرينه

[المرز]

	ياساعتي لو مات نبض المواقيت = وقت الفرح تكفين.. لاتنكرينه من عام مابيـّـن ولو بان سجيت = يبين لي لحظه وثم تسرقينه ياما من دلال التعاسه تقهويت = وفنجال فرحي لالفى تاخذينه ياساعتي واللوم مَبني على (ليت) = وياليت حلم وأعتقد.. تعرفينه حلمي لقا اللي بعدها ما تهنيت = النوم جافي والليالي تعينه بنتٍ لها بين الحنايا (مية بيت) = يعني لها في جوف صدري ( مدينه) سكانها من يوم راحت.. (عفاريت) = صارت خراب ومن بَـعَـدها حزينه في كل بيت بجوف صدري لها صيت = ( الحاكمه../ وام البلد../ والسجينه ) احيا واموت الفين مرّه ليا جيت = حبلٍ معه وادعت (متن السفينه) ياما كتمت اشواق قلبي وهلـّيت = دمعٍ تَرَك (صكـّـات بقعا) لعينه ياما بكيت من القهر ماتباكيت = ( ودمع العزيز بعين ربعه غبينه ) الضيم مجرم والمشاعر طواغيت = والدمع والي والسعاده رهينه من يوم راحت بالهوى ماتمنيت = الا الحياة بدون بنت وخدينه مليت عمري والدفاتر ومليت = ضحكٍ يجي من دون صدقٍ وزينه كن البشر قدام عيني (توابيت) = سودٍ تنادي للنَفـَـسْ قبل حينه اوحيت لكن من همومي فلا اوحيت = عندي تساوى كل زينه وشينه ان غنـّـت الورقى على الغصن غنيت = صوتٍ يغشّي بالشقى سامعينه الليل (ياليلي) تعاسه وتشتيت = والصبح ينهش بالخفوق ويهينه (ياساعتي) لو مات نبض المواقيت = فرحي فديتك للحشا تتركينه من يوم راحت غايتي ماتهنيت = القلب تايه.. والدقايق حزينه احيا واموت الفين مره ليا جيت = حبل ٍ معه وادعت (متن السفينه) الشاعر : عبدالعزيز الدهمشــــي

[بس لحظه]

بنتٍ لها بين الحنايـا (ميـة بيـت)
يعني لها في جوف صدري ( مدينه

هلا وغلا

اخوي المرز

وصح لسانك ولسان الشاعر

والف شكر على الاختيار الرائع

[المرز]

المشاركة الأصلية كتبت بواسطة بس لحظه

بنتٍ لها بين الحنايـا (ميـة بيـت)
يعني لها في جوف صدري ( مدينه

هلا وغلا

اخوي المرز

وصح لسانك ولسان الشاعر

والف شكر على الاختيار الرائع

الله يحيك اخو بس لحظة

صح بدنك

كلي امتنان لك على تعطيرك متصفحي المتواضع

خالص مودتي

اخو المرز

[بوح المشاعر]

مليت عمري والدفاتر ومليت ..ضحك ٍ يجي من دون صدق ٍ وزينه
الله رووووووووووووووووعه تسلم يديك

[الإمبراطوره]

يسلمووووووووووو إيديك على النقل الرائع

يعطيك ألف عافيه