فن القصاقيص

جيم بوي · #1 12-06-2009, 24- 20:01

أولا ما هو فن القصاقيص؟؟

هو فن قائم على قصاقيص القماش

فهل فكرتي أنه ربما تحتاجين في يوم من الأيام إلى بقايا القماش التي عندك من أي شيء؟؟؟

هل فكرتي أصلا أنها ربما تعطي لبيتك منظر جمالي رائع رغم أنها في كثير من الأحيان تكون في طريقها إلى القمامة؟

هل فكرتي عندما تفصلين فستانا مثلا أو أي ملابس لك أن تطلبي من الخياطة باقي القماش حتى تستفيدي منه بدلا من أن يكون مصيره القمامة؟؟؟

هنا أقدم لكم هذا الفن الرائع

فن القصاقيص

وسوف نستعرض سويا بعض الصور التي سوف تساعدك سيدتي وفتاتي في ابتكار الكثير من الأشياء الرائعة

وأيضا توفير في مجالات كثيرة في بيتك ربما للزينة أو لغرفة نومك أو في أي شيء تحبينه

أولا يمكنك المزج بين الكثير من الألوان أو حسب ما تريدين من الألوان لا يشترط العدد
ولكن حاولي أن تنسقي الألوان مع بعضها حتى تكون مناسبة

يمكنك أن تقطعي بقايا القماش على هيئة مربعات متساوية باستخدام المازورة (أداة قياس القماش)
ومقص القماش (مقص خاص للقماش ويكون أفضل كثيرا لأنه يقطع القماش بسهولة)

وزي ماحنا شايفين في الصورة اللي جاية دي
ان ممكن بسهولة القماش بعد ما نقصه مربعات نخيطه مع بعض بالشكل ده

طبعا مش شرط نقص مربعات
ممكن أي وحدات متشابهة تحبيها زي كده

وده شكل غطاء اللحاف اللي شفناه من شوية بعد ما اكتمل

وده شكل تاني عن طريق مزيج بين المربعات والمثلثات

شفتوا أد ايه جميل؟؟ وممكن يكون مفيد لبيتنا؟؟؟

كمان مش شرط نعمل بس غطاء السرير أو لحاف بس
ممكن تعملي كمان فستان ظريف لبنوتك الصغيرة

كمان ممكن تعملي لعب أو عرايس لأطفالك عن طريق قصاقيص القماش

وممكن كمان يفيدك ويكون عملي جدا في غرفة النوم أو المعيشة

المصدر: منتديات عالم المرأة

tk hgrwhrdw

جيم بوي · #2 12-06-2009, 24- 20:03

يعني مثلا ممكن تعملي منه زي شماعة أو حاجة تعلقيها على الحيطة بشكل جميل
وفي نفس الوقت تشيل الحاجات اللي مش عارفة تلاقيلها مكان مناسب

كده مثلا

رد:,فن,القصاقيص , www.mn66.com , عالم المرأة , رد: فن القصاقيص

ممكن كمان تعملي منها المخدة التي توضع عليها دبل الخطوبة أو خواتم الزواج

وعلى فكرة بمناسبة ذكرها، أخواتي في خطوبتي عملولي واحدة بإديهم :clap0000:
وأخروا لبس الدبل مخصوص على ما يخلصوها:in_

0:

وأشكالها مختلفة وجميلة جدا زي كده

ودي اللي اخواتي عملوهالي

تقدري كمان تعملي بيها حاجات لحجرة طفلك

سواء لتزيينها أو برضه فكرة الجيوب لوضع ألعابهم

زي كده

أو كده

ممكن كمان لو عندك كرتونة قديمة
وتحبي تستعمليها في حفظ بعض الحاجات من غير ما يكون شكلها بايخ
ويكون لطيف زي كده

الموضوع الأصلى من هنا: منتديات عالم المرأة http://forum.mn66.com/showthread.php?t=130139

كمان ممكن لو انتي عندك طقم شوك ومعالق وخايفة انه يتدخش وعايزة تحافظي عليه

تعملي حاجة ظريفة بالشكل ده

وبكدة أكون خلصت أهم جزء في موضوعي
لكن لا تعتقدوا انه كده انتهى

انتظروا مني المزيد ان شاء الله كل فترة مع فن القصاقيص
وأتمنى الموضوع يفيد كل ربة بيت وكل أسرة في تزيين بيتها
أو استخدام بواقي القماش بصورة أفضل من ان يكون مصيرها القمامة

دي كانت مقدمة مختصرة عن هذا الفن الرائع

وهبدأ معاكوا في التفاصيل على أجزاء ان شاء الله تتابعوها معايا في موضوعي ده

فن القصاقيص عرف في مصر بفن الخيامية

كان البدو بيستخدموه زمان في صنع الخيم وكان فن قائم بذاته مختلف تماما عن باقي الفنون

وفي كوريا كان بيستخدم في القدم عند الفقراء
كانوا بيستخدموه لتوفير الموارد بتاعتهم في عمل أغطية تقيهم من برد الشتاء وحاجات تانية كتير

وبعد كده تطور الفن ده وتبارى المصممون في ابتكار أشكال جديدة لجميع الطبقات
حتى أصبح فن راقي لطبقة الأغنياء في الوقت الحديث

وفي انجلترا سمي الفن ده باسم Quilt يعني لحاف
لأن نساء الطبقة الراقية كانوا بيتسلوا في عمله بجانب التطريز وما إلى ذلك
وده برضه هشرح الخطوات بتاعته في مرات قادمة ان شاء الله

في الهند أيضا كان بيستخدم الفن ده في العديد من الأشياء
فكانوا يصنعونه عن طريق قصاقيص الأورجانزا الملونة ألوان زاهية مع الخيوط اللامعة والترتر والخرز

دلوقتي طبعا يتضح لينا ان الفن ده لا يكفي الكلام عنه مرة أو اتنين
ولكنه فن قائم بذاته وله أشكال مختلفة وكتييييرة جدا

</I>