مرحبا كيف حالكم؟ انا اول مشاركة لي هنا، وصراحة احتاج الى من يسمعني.. احسست بحاجة اني اكتب في هذا المنتدى واشتكي واطلع همومي. صراحة يا اخواني واخواتي، المشكلة تكمن في والدي أبي عصبي جدا لابعد الحدود، عصبيته مثلا، اذا اتصل على صاحبه ولقى خطه مشغول يعصب علينا احنا واحنا ما لنا دخل، اذا بيعزم ضيوف يعصب علينا، اذا بنطلع مع الاقارب يعصب علينا، ويحب يبين لاولاد الناس انه كريم وينفق بالهبل عليهم، واحنا يهزئنا قدامهم لدرجة ممكن يضربني قدامهم ويقول عطيها الشي الفلاني حقك وللا باضربك!!الموضوع الأصلى من هنا: منتديات عالم المرأة http://forum.mn66.com/showthread.php?t=128257 شفتوا؟ لاسباب تاااااافهة جدا جدا، واحيانا بلا سبب مجرد نفسية ومزاج احيانا، مثلا يعصب لان كاسة الموية موب باردة مرة، الشاي سكره ناقص.. زايد.. أبي اعتاد يهدد امي بالطلاق، وتوصل الامر انه يهددها بالطلاق ويضربها امامنا، ويتفل ويسوي حركات ماااالها معنى وسبب، وبعد كل هذا يسوي نفسه يصرع ويغمي عليه وانه فقد الوعي.. وعندما اذكر انه يمثل علينا حالة الاغماء (( التي تستغرق 30 ثانية من محاولة كبت النفس بعدها يتنفس)) فهذا لاننا ثلاث اخوات، اثنان منا في كلية الطب وواحدة دكتورة متخرجة، وفي كل مرة نعرف انه يمثل دور المغمى عليه لانه فيه اشياء تظهر في حالات الاغماء،ونحن اخبر من ناحية الاغماء الحقيقي، والاغماء المزيف. امي صابرة عليه دائما وكان هو سابقا يخاف من جدي ابو امي، لكنه توفى رحمه الله، وقتها قال كلمة اتمنيت بلعتني الارض وقتها. قال، لا رحم الله ابوك، شوفي مين تشكين له! مالك غيري وقسم لين ما خليتك تعبدين رجولي،العن خامسك تخيلوا انه صدق كذبة في الانترنت من واحدة ادعت انها مليونيرة تبي احد يرثها لكن ماعندها اهل، وانها وجدت عنوان ابي ووثقت فيه، لكن تحتاج الى مال منه لتفتح له الحساب في بلدتها حتى تنقله الى حسابها الاصلي، لا احد يمكن يصدق مقال كهذا لانها لو فعلا مليونيرة كان فتحت الحساب من ملايينها!! هي ظاهرة نصابين منتشرة جدا في الانترنت.. احنا وامي ما قصرنا ننصح ابوي انها كذبه، لكن ابي اصر يستلف من امي 100000 ريال، ووعدها انه يرجعها ولما احتاج اكثر اخذ من اختي الدكتورة لكن بعد ان عرف انها عملية نصب والحرمة سحبت عليه! ولو سمحتوا قالت: العملية تسير على الوجه المطلوب، لكن ارسل لنا بدلة رسميه من نوع فاخر ولاب توب حتى نكمل معاك!! يعني وين ؟!!! اذكر امي وهي تقول ((خلاص هذي دفعة بلاء وربي يكتب الخيرة والبركة في الرزق الجاي))، قام قال: ((لو ربي حاطط البلا فيكم والله ابرك لي, واعتبري ما بيننا حساب ديون ولا هم يحزنون، احمدي ربك اني ما طلقتك عقب هالنصب! )) يعني ابغى افهم امي وش دخلها بالموضوع؟ هو ما كان يصدقها وكان يعتبرها شؤومة كل مرة تنصحه، ولما طلبت اختي الفلوس لانها بتسافر وتحتاجها في عودتها للبعثة قال(( مالك عندي ولا ريال، لا بارك الله فيك والله لا يحوجني لكم، سافري السفرة اللي ما تردك) ابي مصاب بمرض القلب من سنوات عديدة، لكن عنده عادة الادمان الشره على التدخين، والسهر وشرب الكوفي داااائما، اجري عملية قسطرة باشراف دكاترتي ودكاترة اختي، وسوا فيها صحبه مع الدكاترة وكل شوي يقول لاصحابه انا صاحبي الدكتور الفلاني والعلاني. وبناتي دكاترة، ابوي يحب الشكلياااات، يحب يقول انه يعرف امراء، وانه شي ومنصب مهم في المجتمع قدام الناس بس. وبحاول ابي دائما انه يصير الاب المثالي امام الناس فقط انه الكريم اللي يربي اولاده اللي يرعي زوجته ، بعدين يضربنا قدامهم!! ويحب ان يناديه اصحابه ( أبو الدكاترة) وفي كل مرة يتحدث مع اصحابه يتكلم شلون احنا متفوقين وانه هو مربينا وكان العامل الاساسي في تفوقنا وذكاءنا و و و و صراحة هو ساعدني اني كنت احاول ابعد نفسي عن التفكير فيه و اصب كل اهتمامي في دراستي كل مرة يعصب، واجيب درجات حلوة طول عمري رغم الظروف النفسية يللي امر فيها مع ابي.. احيانا اتمنى يطول الدوام حتى لا اعود الى البيت. مرة اتخيلوا يا ناس، طردني من البيت، انا بنت وطردني ورماني بالشارع من السيارة.. واضطريت ارجع بتاكسي للبيت بعدين قام قال لي، كيف ترجعين مع غريب؟! وضربني بعدها ولعن وسب وكله ابي يدعي انه عنده السكر، لكننا نعلم انه يقول ذلك كذبا!! لا يصلي ابدا، لا في المسجد ولا في البيت، واخوي الصغير يحرج كلما ساله الجيران وين ابوك وليش ما يصلي في المسجد؟! والله يا اخوان ان اخر مرة رايته يصلي فيها كان من سنتين، حين خرجنا الى استراحة مع اعمامي، قام بالصلاة امامهم فقط وزعم امامهم انه طاهر من البيت، وهو صلى بنجاسة! وقرأ القرآن بعد الصلاة بنجاسة!!الدين عند ابوي صفر على الشمال، حتى انه يستهزئ بأمي وبنا عندما ننادي بعضنا للصلاة او يشوفنا نصلي، وعادة ما سمعنا قوله: ((ترا الدنيا موب بس ربي ربي!! ربك طفش من صلاتك، بتخليهم ارهابيين انتي))... واسمع امي تدعي الله ان يهديه ويسامحه، تخيلوا يقول (( آمين، ويضلك ولا يسامحك، لعنته عليكم كلكم. انتي وارهابيينك))الموضوع الأصلى من هنا: منتديات عالم المرأة http://forum.mn66.com/showthread.php?t=128257 مشكلة اخرى حصلت، ان مرة اتخرب جهازي اللابتوب وقمت بصلحه عند المحل، لكن ابي اصر يروح يوديه لي انا انسانه خبيرة جدا بالكمبيوترات، واعرف اي ملفات تفتح عندي، لقيته يقرأ محادثاتي!! ولما رجع لي جهازي، لقيت ان المسن مدخول منه بايميل ثاني وبكلمة سر جاهزة ويدخل من جهازي اوتوماتيك وافاجأ باشياء غريييييييييييييييييبة جدا، سارة من المغرب، سناء التونسية، وغيرها كثيير، وموب ايميل واحد مسجل في جهازي، 3!! انا ما قدرت اتحمل غير اني سكتت لكن ملامح التغير والحزن باينة على وجهي، وابوي شكله حس اني عرفت.. جاني الغرفة وسحب اللابتوب وقال: هاتيه وانتي ما تحتاجينه! ولا تناقشيني في اي موضوع والله لاطلق امك! يحب يمن علينا انه هو سبب التوفيق لنا، ويا كثر ما اسمعه يقولها من يوم وانا في المتوسط: ((هذا وجهي ان توفقتي انتي واياها، واذا توفقتوا، اتفلوا علي قبري!)) اتخيلوا قالها مرة لي: (زانية!) ، وتعرفون ليش؟ لان دوامي يتاخر الى 4-5، ويقول ((ما سمعت بدوام الى 5 غير ما تكونين تطلعين من وراي، زانية!)) وقتها انا عصبت، ((وقلت اجتنب السبع الموبقات!)) قام قال( لا انتي محصنة ولا غافلة ولا مؤمنة، ومادليتي درب الايمان الا بكذب ونفاق، لعنة الله عليك)). يعني ابي افهم ليش يغصبني اصير دكتورة وهو يسويلي كذا مشاكل؟! وقتها ضربني وانا زلقت على الدرج، وجاني كسر في الجمجمة ونزيف في المخ، اخواتي يقولون انه كان يقول قومي ويرفسني برجوله، الى ان لقوا اني فعلا فاقدة الوعي و الدم ينزل من اذني.الموضوع الأصلى من هنا: منتديات عالم المرأة http://forum.mn66.com/showthread.php?t=128257 أختي قالت السبب وقت ما الدكاترة خذوا منها تاريخي المرضي انه عنف وضرب من ابي.. جاء مرة قدام الدكاترة يبغى يدق صحبه ويقول ((ان بنتي الدكتورة! مالي غير بناتي وبناتي دكاترة!!)) يعني ايش جاب السالفة اننا دكاترة؟ على كلام اختي يبيهم يحترمونه، الدكاترة فاجؤوه بانهم يعرفون السبب انه عنف، قام سوا نفسه يطيح ويبي يغمى عليه ثاني! بس انه تماسك وقال: الله يسامحك يا دكتور، ويومك عند ربي عظيم تحاسب فيه على ظلمك! وكل ماله وهو يلعن ويسب في الدكتور قدام الناس، ان الدكتور ظلمه! وتخيلوا في زيارة لي في الغرفة بعد ما نقلت من العناية المركزة كل ما جا ضيف وهو موجود، قال بنتي بنتي! صراحة كل الناس استحقرته بعد ما عرفوا السالفة، وهو موب راضي يعترف ان هو السبب.. اصبح عندي عقدة من الرجال والزواج، اصبحت اصطنع اني سعيدة قدام الناس وتبلد الاحساس بداخلي اسفة جدا اني طولت، لكن انا فقط احتاج من يسمع لي، ويصبرني.. ومن جد احتاج من يعطيني نصائح التعامل مع هذا الانسان، لاني لا ارى فيه من الانسانية شيء! جزاكم الله خيرا على قراءتكم ونصحكم، وشكرا مقدما
hv[, lk;l hgkwp ,hg]uhx gkh fhgefhj
للمزيد من مواضيعي
المواضيع المتشابهه للموضوع: ارجو منكم النصح والدعاء لنا بالثبات 
ارجو منكم النصح والدعاء لنا بالثبات 
