الزوجه الثانيه

[همسه]

المشاركة الأصلية كتبت بواسطة أم غـــــايه

قبل زواجنا سألته سؤال ليه تبي تتزوج ثانيه قال ابي الحنان محتاجه ومفتقده مع اشياء ثانيه بس هذا اهم شي عندي

اختي :

اكسبي زوجك من هذه الناحيه ..... هو فاقد للحنان .. فلاتبخلي عليه اعطيه ماعندك ..

اتمنى لك التوفيق والسعاده في حياتك .

[أم غـــــايه]

انشالله احاول ياهمسه بكل ماقدر اني اكتم مافي نفسي واكسبه بس احيانا موضيع تستفزك لذلك بصير كل ماتعبت نفسيتي الله يعينكم علي افرغ مافيه قلبي عليكم تحملوني
اليوم كانت اجتماع لاهله طبعا انا واهله علاقتنا حلو مره ومنقطعه هي عنهم يعني اخر مره شافوها عيد رمضان العام
طبعا رفضت تروح ورفضت بنتها الكبيره احتدت مع ابوها وتهاوشوا هو يبيها تروح وهي تقول اذا بتروح معك <<يعني انا وبدون اي لقب (هذيك) فانا منيب رايحه00مع العلم اني مشدده على عيالي بالالقاب بينهم وبينه والاحترام 00المهم لما رحت رجع بعد العصر عشان يدويهم للمنتزه الترفيهي] مادري جائزه على عناد بنته ولا ايش كل هذا وانا اتلهى كاني ماسمع اهم شي عندي السالفه هذي راح المغرب ولارجع ولاشفته وجهه بعد ماحطني بالاستراحه والجميع يسال وين راح لانهم يبون يروحون لبيوتهم ولايقدرون يخلوني بالاستراحه لحالي طبعا مع عياله الاولاد الثلاثه كانوا معنا ولا له خبر والجوال مسكر لحد ماتبرع ولد اخته بانه يرجعني وانا ودي الارض تنشق وتبلعني بصراحه ولاهي طينها عياله اللي يقولهم ولد اخته كبير هو يالله اجلسوا مع خالتك ببيتها لحد مايجي ابوكم وياخذكم الا الاحتجاجات لامانبي بنروح لجدتي لحد مايجي ابوي قالهم بس بيت مرة ابوكم اقرب لبيتكم من بيت جدتكم ومافيه الا بيروحون بصراحه حتى هالشي ضايقني يعني كنت كل الوقت وانا احسن معاملتهم ليه يكون الرد بهالاسلوب كاني عدوه قال لاحول ولاقوة الا بالله يالله اوديكم لجدتكم ويتردد المسكين يرجعني ويودي عيال زوجي لجدتهم التعبانه اللي ماتقدر تتحمل صغار بعد مارد علي بوقت متاخر وينك والله اشوف المباراة بكل بروووووووووووووووود يرد علي بالله عليكم وش رايكم ؟؟؟طيب سمعت انك مودي زوجتك للمنتزه صحيح قال ايوه قلت طيب ليه ماعطيتني الفلوس اللي ابي منك اذا كان معك قال لاحول يمدينا انتي وش فيك مستعجله طيب بهالحاله وش التصرف يعني وش احسن شي اسوي تواصلوا معي عشان مانجن!!!!!!!!!!!!!!!!!!!!!!!

[أم غـــــايه]

هذا بس للتوضيح قبل لايطلع من الاستراحه مبينه له ان بنته خلص الحليب قال اوكي لما اجي اجيب معي يعني مثلا تنتظر هالرضيعه بعمر اربع شهور ماتجوع لحد مايخلص شايف المباراة والشيشه !!!!!!!!!!!!!!!!!!!!!!!!!!!!!!؟؟

[hawages]

المشاركة الأصلية كتبت بواسطة أم غـــــايه

هذا حل او تعقيد بصراحه شر البليه مايضحك
مايقدر على الثالثه ابدا ظروفه ماتسمح له
وانا بالنسبه لي عارفه انه يحبني ولاراح
يتزوج لانه اللي يبيه لقاه وانا احبه بس اكره
تصرفاته تضايقني وتنفرني منه اتمنى انه
يكون شخص مسؤول فقط هل هالشي صعب
يكون يحسن التصرف وكلمة ياليت ماتحل الامور

أختي العزيزة أم غاية
لقد ضحكت كثيرا عندما قرأت ما كتبته في هذه المشاركة من اظهار الاعذار لعدم قدرة زوجك من الزواج بثالثة
وفرحت كثيرا عندما اعترفتي بحبك لزوجك أدامه الله لكي
ومن هنا انصحكي نصيحة محب بأن تتمسكي بزوجك كثيرا وتحاولين تعديل طباعه على المدى الطويل
وأهمس بأذنك بخصوص الخروج من المنزل مساء للشيشة : ليش ما يشيش بالبيت ؟واشوي اشوي تقنعينه يتركها بطريقتك الخاصة .
نصيحة لكل زوجة تشكي من كثرة خروج زوجها :
لم يخرج زوجك من منزله إلا بسبب أنه وجد مكانا يرتاح فيه أكثر من بيته ، فمتى ما حرصتي أختي المتزوجة على راحة زوجك فثقي أنه لن يستبدل الراحة بالهم.

[أم غـــــايه]

لاصدقيني حواجز انها بأمتاع الليالي ولا احلى منها يكون ضروري انه يطلع للشيشه يعني صايره حياته الشيشه متعلق فيها اما بالنسبه انه يشيش بالبيت فعندي بنوته صغنونه ماينفع يشيش عندي عشانها الله يخليها لي يارب بس ادعي لي الله يسخره لي ويهديه ويصلح لي عيالي يارب